朝早十二點先起身，足足訓左十二個鐘頭，勁呀
原因係尋晚訓得三個鐘囉…訓完覺得條頸好痛呀，痛足成日…慘

點幾鐘約左小利同小肥o係市中心等啦，佢地篤完波
(小利：sorry呀，電話到冇原因地發你脾氣…我自己都唔知仲乜…)
三條友去大姆指食飯啦，個炒烏冬好好味呀，但我又好憎湯烏冬喎，哈
食完飯就諗住睇戲啦，梗係睇"我要做MODEL"啦，都冇野好睇喇
五點半先開場呀，咁我/阿圓/小利/小肥冇地方去，最後就決定篤波消磨時間啦
我同阿圓就慘喇，又係坐囉……開場之前仲有時間，
就去左食野啦，豆腐花好好味呀！^^

"我要做MODEL"都幾好笑架，最正梗係唔係鄭中基啦！
而係森美同燦森，哇哈哈哈哈！燦森不嬲都正就唔使講啦，
但森美瘦左好多而有六舊腹雞就真係正到爆囉，無法抵擋呀！YEAH
愛上森美呀！哇哈哈哈哈(一路睇戲條頸一路痛…嗚嗚)

睇完戲七點幾，我地就決定去打牌啦～切磋下
咁我就跟小利搭車上佢屋企拎麻雀啦(你爸爸好似好嚴肅咁…><")
THEN過去阿圓屋企打牌喇~叫外賣呀~有三餸三湯三個飯，嘩，好飽呀
又肥喇…嗚嗚嗚！今日D運幾好呀~哈哈哈哈哈

打到十二點多d就收擋喇，因為我應承左爸爸早o的返屋企
咁小利同我搭的返屋企^^～hee！臨返屋企前發癲添，哈哈
不過今日我都好少出聲，可能太支力啦，又或者多野諗…
下次出街唔會架喇，我會活躍ｄ～哈哈