今朝早十點起身睇nba呀~活塞又打敗湖人喇，連贏兩場lu~~~
呵呵呵!高興~~同兩個家姐睇得好興奮～哈哈哈

睇到十二點，之後換衫搭bus去蘋果搵小利啦，仲有阿程呀
今日佢地兩個都唔使返工呀！我去到梗係做觀眾啦，哈哈
佢地篤波篤到兩點幾三點，一齊行過去市中心食飯飯喇，
午飯可以話係變左做下午茶囉～哈哈，成日俾阿程串，慘
阿程真係有幾分似許志安同周國賢，把聲仲要似鄭中基，哈哈哈，搞笑

食完飯我真係決定去染染個頭髮喇，之前染啡左一個月到，
今次再染ｄ頭髮真係幾傷架，不過冇計啦，心血來潮嘛～
之後佢地兩個陪我搭車去大興到染啦，去返前日剪頭髮o個間！
因為有maggie嘛～佢真係幾pro架^^四點幾開始染啦，
佢地兩個陪我一陣就走先，去篤波，因為我個頭要整成買４粒鐘呀
整整整整整，八點幾終於染完喇，個頭洗左好多好多次，好痛呀-.-
宜家個頭髮加埋底色有四隻色呀...哈哈，俾人話mk...無奈囉~
又俾屋企人話我waste$...不過我自己鐘意就ok啦！冇人可以阻我！

整完頭髮就搭的士去天龍會搵返佢地，多左阿星同阿范呢
過左陣就去建生食晚飯喇！好飽飽～
食完飯就即刻去左搵小肥，仲有小肥妹妹＆文文＆阿圓，打badminton！
嘩嘩嘩嘩嘩，食完飯打波真係好辛苦呀，打到胃都痛埋，
仲勁勁勁出汗添，雖然有ｄ辛苦，不過出身汗係好事黎架～^^
今日又突破自己xx極限...哈哈哈...

打完波十一點幾十二點，買完野飲之後小利送我返屋企喇！
好支力好支力呢～....返到屋企沖涼洗頭，
成個浴缸都係藍色....好勁...

六月十四號係一個特別日子!!!!^^heehee