六月十二日

朝早很早便起床了，洗頭換好衫準備出街啦，
因為早前約左小利今天一起食午飯呢！
今天我的精神非常好，哈哈，掂呀，而且著了一套醒神衣著！

我們商討了一會，最終都係去左市中心間椰林閣食飯，
飽飽！下次都唔知可以去邊到食喇，哈哈-0-
食完野我地就搭輕鐵去天水圍既銀座喇～
第一次去o個到咋，都冇野好行，都係打下機咁^^！
最衰我地唔夠時間出去cwb行，因為你七點要返工…下次等你放假去啦！

打完機，突然間興致勃勃想去剪頭髮，呵呵
因為十六號就係一生人一次既謝師宴喇！^^所以想有個新形象示人！
我一諗到想做既野，就要即刻做架喇～哈哈，哩個就係我…
之後又搭輕鐵去左大興剪頭髮！因為小利識人丫嘛，
幫我剪頭髮既叫maggie呀，佢好有心機咁幫我剪，
個髮型我好滿意呀！^^好鬼死鐘意宜家個頭髮，呵呵呵！好型仔呀！

小利陪到我六點幾就返工lu，thz^^
我剪完頭髮就搭巴士過去建生仙桃園搵佢．heehee！見多陣嘛～
去到間舖，都幾多人架，佢地好鬼死忙，
咁我就睇下雜誌坐下先啦(有o的頭暈暈)！到九點先食飯呀～
食個肉燥+茄子飯，好好味呀^^呵呵呵~
可能肚餓啦，食得好鬼快，食完冇頭暈lu~
十點小肥收工落左黎，之後佢送我去搭輕鐵啦，十點幾返到屋企喇！
要乖女ｄ！咁夜返屋企人又ｄｉｕ晒鬼><" 乖返幾日啦~哈哈

返到屋企媽咪話我個頭髮成個飛女咁…我都估到架喇…
不過媽咪話好睇~呵呵！仲話我似阿邊個邊個，係就好喇～
同屋企人傾完又同alex傾電話，都好耐冇同佢傾電話啦～哈哈
夜晚同小利傾到三點幾訓教啦～～^^

p.s.我要染過個頭髮去grad din呀!!!!!!^^
最著重個頭髮~呵呵呵~~~~~~~~