尋晚食左藥訓教教，今朝早十一點起左身喇，
本來諗住訓耐ｄ架，但係二家姐返左黎訓，搞破壞，
佢不單只熄我冷氣，仲要開房門，開歌聽，大聲傾電話-.-
救命！佢返親黎都搞到我訓得唔好…不過算數啦，家姐嘛！

點幾去到蘋果搵小利同小肥，佢地篤波呀！有得大開眼界了，哈哈
雖然我去唔係篤波，不過都有少少作為既，學生鐘喎，抵啦～係咪先～哈哈
之後去食飯飯喇，一邊食飯一邊睇烈火雄心～^^ 好睇
食完飯打陣機，行左陣，諗住去"海都"睇戲，最後揀左5:45既"大件事"睇，
哈哈，(即日上即日睇，好耐都未試過)唯有係睇哩套啦，
小肥想睇windstruck or the day after tmr，
不過我同小利睇左了…"大件事"都係麻麻好睇咋，o的景實在激少！
我係比較鐘意張家輝囉～^^

睇完戲七點幾，小肥就返屋企食飯啦，
(夜晚終於可以約好晒人去打badminton lu)，
我就同小利去左市中心間燉奶佬到食晚飯，嘩，好飽飽呀！
同親小利出街食飯都好豐富，唔肥都難lu…豐富係好定唔好呢><"
食飯其間了解左你多ｄ野～^^heehee

九點到搭巴士過到去建生會合小肥佢地喇，
打badminton呀~yeah！黎下黎下，有好多人呀，最少都有十個，
哈哈哈，第一次打badminton咁強陣容咋～呵呵！出左身汗，舒服！
仲第一次咁性感…-__- 哈哈！死肥婆係我…
雖然係打下badminton咁簡單，不過唔知點解好開心！傻左@@"
可能一大班人開心ｄ啦～哈哈

十二點到小利送我搭輕鐵返屋企，唔使一陣就返到兆康喇！
之後行返去富泰啦！o係樓下買左宵夜食呀~之後再去ok買埋野飲~~~
then行去公園食！又係第一次同朋友o係樓下食宵夜~^^
識到住屯門既朋友真係好好好開心呀~
同小利傾下計食下野，點幾返上樓喇！如果唔係俾ｄ蚊勁咬，
真係想傾多陣先返屋企架～不過下次先啦，仲有大把機會！

呵呵，總之今日又係過得好好好開心啦！多謝！
p.s.(多左個花名…叫"五號木台"…點解？哈哈哈哈哈(無奈)