禮拜日--- 我多數都唔會出街，
不過今日破例，同小利出左街，
見係你所以俾面你咋，哈哈，難得你放假！^^

今朝十一點起身，仲覺得好眼訓，個樣又殘到爆炸，-.-
有ｄ唔係咁想出，不過出出下街又精神晒，哈哈！
兩點幾小利黎左接我，一齊搭67m出荃灣，
本身話去cwb，最後冇出到～
出荃灣我係為左打機，好傻，不過我鐘意，哈哈
你又肯出先搞笑~heehee！真好

由三點打到差唔多六點，哈哈哈，都算耐喇！
之後又搭返車入屯門，諗住方便夜ｄ去打badminton～
入到屯門，去吉野家食野，then"海"都睇戲，睇左〝野蠻師姐〞喇~
yeah，期待已久！真係幾好睇架，睇到喊…真感動

睇完戲都九點幾喇，可惜落雨啦，去唔到打badminton，
又見唔到小肥，有ｄ失望…都唔知幾時先有機會齊人打喇～><"期待！
睇完戲仲咁早，梗係唔想返屋企住啦，哈哈，
之後就要求小利帶路周圍行，去下機舖咁，不過屯門機舖冇野打…
hea到十一點，去左大會堂出面坐，傾計^^
講左好多鬼故etc…afraid~ 哈哈
你整個ｘ盒好型好的骰，我會好好收藏>u
講下講下，都成一點啦，我地冇搭車返屋企，
因為我選擇左行路返去，由市中心行返富泰-0-
咁大個女第一次！咁遠點解行返去？
因為我想感受下屯門既氣息，哇哈哈哈哈！
一路食雪糕一路行，途中有不少侵略者，好鬼死驚，
見到廿幾三十隻曉飛的cockcoach…
阻住我地既去路，只好大叫～同行快步～哈哈
行左成４５分鐘先抵達屋企，完全唔覺得支力，又唔覺得耐，
只係覺得有ｄ熱！而且反而覺得好開心，
第一次感覺到自己係一個屯門人！^^呵呵呵，高興呢～
兩點返到屋企喇～

今日的行為雖然有點愚蠢，
一，尊登出荃灣打機，二，唔搭車返屋企反而行４５分鐘！
不過今日過得好開心，哈哈哈哈哈～^^
識左小利真係好，我地又住得咁近，好方便～
有你教路，我又可以對屯門了解多ｄ，識多ｄ地方！呵呵
多謝你咁照顧我~~~~