本身想講下韋利自由身轉會米蘭，加上Loyalty is nothing 既題目，但因為剛剛參加了澳門騎尼遊，就留待下一次吧......

由於肥肥o既提議，係星期五晚就去左澳門，之前我去book package，係油麻地旅遊book，我問個位姐姐中港城係唔係只係開到九點，佢話係，咁我就話10:15港澳碼頭啦。佢出左票之後，我一睇就話錯，我要夜晚10:15，佢竟然黑面!!!阿姐，港澳碼頭費一舊水gar，唔通貪貴而去???

點解揀咁夜去，因為我之前要去飲，點解我去飲? 好明顯我都唔想去......我9:35分走，期間竟然只係食過兩件蛋榚同三件乳豬!!!對於我黎講，梗係餓到飛起......上船後，當然就訓，落船之後，已經11:30，當然要搵野食，食完之後就去左金沙，入到去先知笨，因為有大把野食......但我本身根本完全唔好賭，求其玩左老虎機，輸左百二就唔多想玩，之後玩左野百家樂，好似話個張台最後一鋪，一買就有公九，之後要搵番肥肥。由於佢無漫遊，唯有真係周圍搵，搵搵下o既時候，竟然俾個叠馬仔煩住。天啊!俾個女人跟住我就話jei，搵個男人根住我吧咩......之後我唯有擺脫佢，經過一張百家樂賭台，無人玩o既，就係度等下，睇下見唔見到佢，之後，我見到個男仔好似好寸，就問佢開唔開，佢話開，我之後連贏佢兩鋪，我就同佢講聲唔該晒，繼續搵肥肥lu......後來終於搵到佢，但出面好大雨，咁就係入面hea多陣，個陣係點幾，係入面飲左杯咖啡，又撞番果個叠馬仔，救命!!!

去到酒店，間野叫駿景，夜晚睇個景都ok，樓下又有個遊樂場O既物體，點知朝早見到原來係四面佛!!!攪攪下都成3點先訓，我地諗住朝早9點起身食早餐，但係成晚都訓唔到，只係訓左兩個鐘左右，倒令我諗起某人，每逢陌生地方就訓唔著，不知現在還會不會這樣......一落去食早餐，見到已經唔多開胃，蘿白榚, 粥, 炒面......又點會o岩我呢d咁o既人，後來我見到有不少鬼佬......我都算好啦......食完就落左樓下行左一行，真係行，完全無特別野行，同係馬鞍山樓下行一轉無分別......之後上返去游水，游左陣就check out lu......之後黑肥係珠海落黎join我地，先係一間騎尼茶餐廳食左野，再去乜鬼路環高卡車場，竟然會落錯車，係個乜鬼石礦場落左，行返到車場之後，話有人book左，叫我地等個半鐘，我就無乜所謂，有睇開我寫o既o野都知，本人係極討厭車o既，我根本無諗過玩，諗住等佢地玩算，唯有係個餐廳飲下野算，點知等左個幾鐘之後，竟然叫我地等多個幾兩個鐘，一怒之下就走左。

之後唔知佢邊度好，就無端端去左黑沙海灘，無無聊聊行左陣，就離開左......係等巴士期間，由於每一部o既開出時間都相差十幾二十分鐘，等到死o既時候，後面洗風帆既男仔竟然用水喉淋中我地，我地唯有係度怒屌佢......等左半個鐘左右，就有車，上車之後邊個站落車，唔知......佢地話有feel就求其落左個站，之後竟然去左篤波!!!我又係唔篤o既，係上高間機鋪 “唱”左十蚊打，入面仲有個只俾十六以上人士打o既機，個燈光係暗紅色的，打左陣好似唔對路，就走了......之後佢地話去馬場，再等半個鐘，期間我有問過係唔係呢個站，佢地話係，等左八個字後，係八個字!!!我地已經唔知屌左澳門人o既效率幾多次!!!搭搭下，發覺搭錯相反方向!!! 之後唯有係總站再等，到馬場之後，本人係唔好賭博，唯有訓覺，同食左個黑椒雞飯......係澳門竟然食埋d咁無聊o既o野:「黑椒雞飯同騎尼茶餐廳」......臨尾買左十蚊當去過，就走lu......搭的去碼頭......澳門騎尼遊就此結束......

PS.附圖便是那四面佛了......