話說自己係大學抽中副學(即係興趣班之類物體)，抽中了實用香氛治療，雖然係第二次先抽中，但已經好好了，因為這是第2次開的課程，非常新。再者，我對那些奇奇怪怪的事總有興趣，所以十分期待這一課上堂。

今日終於上了第一堂，由於我成5點幾先落堂，所以我就可以不用遊街咁耐，但我一個人都行街，還食了個鐵板餐，正。食完先記起我要減低食量，因為冬天食得太多了。失敗，我都係減肥無望了。

入到課室，拿了notes同簽到，就一個人傻下傻下等上堂。無幾耐就有個女仔坐了我隔離，見到有個男仔都來上堂，我們都一齊感到驚訝點解有男仔報呢?(不過佢之後都早走了)我就同這個女仔打開了話題，吹起水來，之後有另一個男仔坐在我們隔離，3個人就吹起水來。女仔讀電子，男仔讀物流，都我自己介紹時，都唔知點話俾人知自己讀乜，唯有同人講我讀醫院化驗，都唔明點解次次都要講一大輪先可以解釋到，可能我表達能力太差了。

本以為好悶，因為係咁講歷史。到了中段開始學實用東西時，大家都精神了。到了小息時，導師還請我們飲花茶呀~~哈哈。她還對我們說，如果家中有茶色玻璃瓶的話，可以帶來，用來帶走一些溝好的香氛回家繼續實習，正呀。不過我同朋友都請她代買茶危樽仔，因為唔可以用膠，膠會溶化的。再者我有的樽都有東西在裡面，無理由咁浪費。相信我都會俾錢買少少貨仔同朋友玩，不過看我這7堂學到多少先啦。有點期待下星期的堂。