端午節雖然唔可以返澳門食粽同游龍舟水
但係我有一班好朋友陪我到周圍去玩
係異鄉過一個節目多多的端午節!

下午我地一行八人去睇”艷光四射何韻詩廣州歌友會”
我係阿詩的fans,所以我一定去捧場啦
今次都唔係好多人去睇
我地都坐得幾前下...可以同阿詩好近距離見面
開心死我!
有一part 係請d 歌迷上去唱阿詩ge 歌
點知個個都唔係唔記得歌詞就係唔想表演咁
連自己偶像ge 歌一首都唔記得仲講咩話好鐘意呀?
所以...呢一part 搞到阿詩好尷尬
如果係我上台玩我一定唔會話我唔記得歌詞ga
我唔會咁失禮!!!

聽完好歌見完型人
又係時候醫肚啦
今晚係澳分聚餐...去好地方食自助餐
其實自助餐對我地黎講真係不利ga
因為我地成日都唔夠人爭
只係可以食到d 餸頭餸尾咁
要食好野要同d 餓狗爭~
不過好彩我地台有猛男根根同河童~佢地係負責攞野食ga!^^
同阿芬一齊食飯我總係感到好溫暖,大家會好似一家人
因為佢一定會夾餸比我食,最好食ge 都會留比我
呢一點佢比benny仲體貼!

整個聚餐氣氛就係幾熱鬧啦
但係美中不足係端午節無粽食.....>.<