第一次的採訪~~好辛苦

星期六係我採訪”三鄉地道涼茶”的日子
為左呢個採訪我準備左一個星期
呢個可以話係由我一手一腳搞出黎的心血
所以我好緊張呢個第一次

星期五..我為了要徵求老闆同意接受我地ge訪問
我係佢地鋪頭分別等左2個鐘
用左好多方法說服佢比我地訪問佢
一開始我都有d驚同埋唔知點...
但係為左我ge心血..我唔可以咁細膽
我一定要有勇氣去面對呢d情況
但係老闆好似唔係好願意上鏡接受訪問咁..
我真係有小小氣餒,但係我唔可以比咁小事難到我

星期六,我帶齊所有裝備:
benny媽媽的dv機,heidi的錄音筆,學校借的mic,我所搜集的資料
仲有訪問稿等等..
同benny teresa 去到佢地鋪頭對面個巴士站等佢地開門
等左大半個鐘
我開始有小小想放棄啦~<做記者真係好唔容易>.<
好似係度浪費緊大家ge時間咁
我決定等到3點半如果佢都仲未開門的話
我地就唔拍呢個題目
到左3點25分..我地終於都等到老闆娘黎開門
見到佢之後我地3個人立刻沖過去
老闆娘見到我地幾個..佢話老闆無咁早返.
遲小小佢返黎應該可以接受我地訪問
我聽到之後真係覺得好好好開心.
對我黎講係一個好大的鼓舞!^^

benny車我周圍去影其他涼茶鋪..我覺得呢種感覺好得意呀
周圍拍野..拍低我同佢一齊行過ge地方
一齊睇到ge野~

到左真正可以拍攝”三鄉”涼茶鋪的時候
得返我同benny兩個人..所以我做主持人
benny做cm...
我好緊張.benny一直都比好多意見比我
雖然benny唔係讀我地呢個專業
但係我覺得佢ge意見都好都好有用
最慘係個度放唔到腳架..佢用手?機都拍得好定
比我一定拍得好暈浪!^^
多得老闆佢地ge配合我地終於可以完成我地呢個新聞專訪
我一定會努力的剪接..要做一個非常pro的新聞專訪