尋晚應承左幫毛毛元拍DV...做佢文藝愛情片的女主角
最初真係好唔習慣,一來自己都做呢d野的經驗
第二,我係一個好含蓄的女仔....(呵呵呵)
佢地要2日拍三天發生的事情
其實...令我有點緊張
怕自己做得不好會拖慢佢地的進度
而且我好少係學校會打扮得較斯文or成熟look
所以有點覺得好唔自然
唔似自己的感覺!
係canteen拍的那幾段戲...我覺得真係好好玩
因為canteen d阿姨都好配合我地
開頭仲有d驚佢地會唔鐘意我地影到佢tim
不過我成日望到阿智個樣都會忍唔住笑
因為唔習慣見到佢咁認真個樣!^^

另外一段戲係我不停咁係電話室外面食野
不過似係我去喂蚊多d
見到d蚊不停係我身邊徘徊...睇到都驚
不過好彩多得may may的蚊怕膏..
如果唔係隻腳一定會變紅豆雪條呀!!!
may子...好彩有你ja！！！

最後的一段係拍我自己一個係街度行．．．
其實感覺真係好似鬼片ｆｅｅｌ
當然可能剪好左之後唔似啦！
但係險些令穎欣心愛的鞋鞋整花呀
因為行行下．．．對鞋個踭比地面ｄ坑ｃａｋｅ住左呀
嚇到我即刻唔敢行呀
如果整花左穎欣心愛的鞋仔
我都真係唔知點算呀
尤其我知道佢係特登買黎同佢ｂｂ影畢業相ｇａ　ｍａ
好有紀念價值　ｇａ～～
穎欣你放心啦～～我下次著會好好好好錫住佢ｇａ～！

尋晚個個都好大犧牲呀～～因為返到宿舍已經無熱水沖涼啦
思潔．．ｍａｙ子．．毛毛元．．阿智　　辛苦啦！＞．＜

今日又要繼續努力啦！
辛苦大家啦！　　　　*^＠^*