介乎係頹廢與充實之間﹐每日都過得十分虛浮﹐幻得幻失﹐除左打波打到好撚‘支力’ 既時候﹐我先可以感覺到自己既存在﹐又此證明原來強烈既感覺係絕對可以短暫咁產生到自己生存緊既假象﹐我諗我可以理解到點解D 妹妹走去介手。。。 不過直至上個禮拜整親之後﹐我又變番乜撚到唔做
之前同自己講過﹐橫掂番多3 個禮拜學之後都唔知幾時先有機會再番啦(分分鐘冇)﹐不如日日番啦﹐但最後都係日日唔番﹐ 再加上大‘脾’ 拉傷呢個咁好既藉口﹐所以真係廢撚事番

冇野做又好自自然然做番D虛渡光陰既事﹐例如睇下勁歌呢D 咁既綜藝節目﹐ 新一輯既勁歌要唱 LIVE﹐ 要大既得益者莫過於 TWINS 呢D唱現場咁撚掂既歌手﹐而果晚又真係有佢地份﹐黎番首‘丟假’ ﹐而表現就。。。都幾貼切個歌名。

至於其他節目方面﹐就係聽903﹐瘋狂既 I LOVE U BOYZ 搞到晚晚做﹐番黎之後﹐好明顯我就一定會撲菲睇萬人迷啦﹐最理想就梗係睇 TWINS 或者係 COOKIES(有冇份呢﹐ 唔知)

煩惱於賣車呢個問題﹐我不能想像到當年買車既喜悅會變成家下賣車既煩惱﹐真係好撚煩﹐想當年你拿住舊錢四圍睇車﹐俾人當大帝咁拜﹐而家就拎撚住舊鐵俾人係咁彈﹐ 壓鳩你價﹐仲要係咁落嘴頭﹐約睇車又甩底﹐等你白等成日﹐又或者睇完﹐試撚哂﹐再換黎一句﹕‘諗下先啦’ ﹐油錢都蝕撚埋。。。。

開始發覺年輕既一輩﹐謀生能力極為貧乏﹐餐搵﹐餐買﹐餐餐清﹐我地既購物欲已經完全‘零’駕本身既收入﹐就以我為例﹐連 BARKLEY 既 AIR MAX 都買撚埋﹐你就知我忍唔撚到手

最後既3個禮拜﹐我就同呢個鬼地方講拜拜﹐我原本以為我既喜悅會係屎無前例﹐因為我諗我會暫時鬆一口氣﹐但事實根本冇預其中既喜悅﹐反而有D 憂慮﹐我諗我可以意識到另一個煩惱﹐其實煩惱根本永遠唔會完結﹐反而又會係另一個開始。

一個3歲 細路會擔心聽日冇功課交﹐一個非洲土人會擔心捉唔到野味冇得食﹐李嘉誠會驚單生意搞唔成﹐少搵幾十億而同唔撚到D 股東交待。。。每個人都會有煩惱﹐不論自製又或者外在因素﹐煩惱都會存在﹐永無休止﹐一世相伴。

PS﹕由下個月開始-18TH MONTH 將會0係香港寫﹐到時又會係一個咩既情況呢﹖

圖﹕4百蚊對當年成‘差’野既 AIR MAX CB 34 怪獸﹐你叫我點忍﹐34﹐ 乜都係 34。。。