四月三日，
亦都是忙了那麼久的因由……
當天的出版社發怖會，
有四百多老師出席，
其實就唔係幾關我事，
佢人多人少，賣唔賣得，我都係收咁多錢……
我只係去見識一下這種在酒店擺的發怖會的排場罷！

有四樣重點事件在場中發生︰

1) 唉，好失敗地，我整的program竟有一個小bug在眾目睽睽出現！

2) 收到艾云的sms「we are in the same room」，
當我睇到這句時，已發現他在我面前出現！

3) 遇到一個當年大一暑假時的暑假工同事，
她現在在中學教數，而且是胡sir的同事，
以前教我們電腦的那個胡sir……

4) 酒店有茶點招待，絕大部份都係西餅，
只有一籠熱點心 -- 蝦餃
正當我發現全場的蝦餃已很快冇晒之後不久，
我竟在一個角落裡放下個空杯之際，
發現一個女人(應該是一個四十多歲的老師)手上拿著一個碟，
躲在那個角落……而碟上，足足有十多隻蝦餃！
唔多，大概係酒店提供的蝦餃總數的六份一左右啦……
唉……老師喎……

整件事告一段落後，在該酒店的餐廳食自助午餐……
野食的款式唔多，味道只屬一般，不過食左好多隻生蠔……哈！
大家都食得好飽o既，因為有老闆請嘛！哈！