星期三做了一樣從未試過的事 --- 睇樓
不是找屋結婚，唔好亂諗，
而係找寫字樓做公司的辦公室。

當天的目的地區係旺角一帶，
除了商業大廈外，旺角區還有很多唐樓可以商住兩用的
所以整個下午入面都看了很多個「住宅」單位

第一間睇的唐樓，講室內大少間格真係好正！
但可惜那兒沒有電梯，而條樓梯還要又窄又殘！
更有一大致命傷，就係個窗口對住個將動工的地盤！

之後看過另一間，間格大少都係算係好好，
有升降機，位置仲超好，就係火車橋對住delifrance樓上！
但係佢裝修得太靚！但是係住家式的裝潢！
要改做office就要搞一輪，如果有多點時間都還可以考盧下，
但因為另外有人想租，要我們即日決定，只好於棄.......

之後去了女人街的其中一幢商廈，
一入去就發現一樣好有趣的事，間寫字樓有點熟面口，係電視見過咁
之後看到一些banner及傳單寫著……
「xxx 麻雀王大賽.......」
大家記唔記得呢？！去年年尾騙案一單！
最有趣係，佢有間房好似課室仔咁，
入面塊白板還寫住一大堆比賽詳情賽例等的東西！
那個課室仔當年肯定係用來騙水魚入去坐！
他們大概走得好急，四處還放住好多傳單等等
桌上的雜誌還要打開到他們自己的廣告！

就係類似咁樣不停走入唔同的地產，跟住人四圍睇樓，
由兩點一直睇到七點幾，最後行到去油麻地……
很累很累！今天幾個代理都有一個共通點，
行得好鬼快！一馬當先，追都追唔切！佢o地一定係好趕時間！

大概要花多一兩天看看其他區先決定到究竟租邊度
旺角我都幾鍾意，夠方便，之後會睇下九龍灣及長沙灣
但長沙灣對我來說太唔就腳....我自己就不太想了！>.<

各位，我就來脫離soho啦.....唔知有office後的生活又會變成點呢？！