回想起一個多月前住院的日子,
好像做了一個夢一樣...

當第一刻知道自己要入院時..
第一個感覺是： "下!...唔係嘛..好驚阿!"
驚係..驚不知道怎樣跟家人開口
唔通無啦啦打電話上大陸,同老豆講..."喂,你個女入院了!"
一定嚇親佢啦..佢一定會趕返落黎睇我
嗯嗯...所以都係選擇第二日晨早先話佢知啦...

不到兩日,全家人都知道我入院的事情了
其實不是什麼大病,只是發燒不退而已
但都麻煩左屋企人好耐..

因為由於老豆在大陸工作的關係,只好麻煩姑姐晚晚煲粥比我食,
其他人又煲湯水比我飲
真係好多謝家人的照顧及關心
多謝朋友、同事們、家人的探訪,以及致電問候..


這十幾天,
過著每天吊點滴的日子,
手上都是針孔..
心情曾經一度低落,我不想家人擔心我,
這樣我會好難過的..
但幸好有石頭及同房的陪伴,
我才不會胡思亂想..

很開心朋友們陪我過了一個難忘的除夕,
很開心同房阿Mi陪我一起聊天,一起做布偶,

我會珍惜身邊的幸福
多謝各位~ ^^