2005年3月25日 星期五

原本昨晚諗住整埋個cheese cake佢啦!點知先發現D cream變壞o在,無得用,唯有今朝出去買過再整啦!!不過勁唔抵啦!!我起二德惠買枝1L的cream都係$42咋!!但今日起吉之島買枝500ml都要成$38,無計啦!!鬼叫佢又變壞o在咩!!

今次整個cheese cake同上次整俾Ringo o個個,遇到的情況一樣,起粒粒,上次我以為係D芝麻的問題先會咁,原來唔係啦!!係D魚膠粉的問題,我上網搵返D資料,原來D魚膠粉要熱住落啦!!唔係好易起粒粒,不次一定唔可以再犯啦!!

逃避o在神已經一段時間啦!!今日認認真真地去靈修,祂再次提醒返我一件事,交托,令我諗返起之前唔知邊個同我講過,你決定信主那刻,你就係將你生命主權交俾神啦!!但我自己卻死抓著,不肯放手,一個好大的反省

夜晚,我同雪恩一齊返o在受苦節晚會,今年的受苦節晚會起梁省德啦!!地方大o在好多,雖然過o在梁省德崇拜已經一段時間,但係都好似無之前起教會時咁投入起當中啦!但今晚就好唔同啦!!我好投入,enjoy起當中

去到掛o在好多關於耶穌的畫,之後入到去禮堂,點起曬蠟燭,氣氛好正啦!!而且,今晚有好多人啦!!之後唱詩o個part勁正啦!!特別係唱"深深愛你"啦!!牧師講道又係勁正啦!!自己有好多的反省,一想到家人,ive的同學仔,就發現自己愛人的心仍然好不足啦!!我的忍耐好唔夠啦!!之後,就係領聖餐,今年同以往的不同,今年我地係自己行出去,他們給我地啦!!而未浸禮的人就出去接受牧者的祝福,一個一個排著隊出去,領完聖餐回到座位,不停地祈禱,求神去原諒孩子的罪,今次係由史以來,帶著最沉重的心情去領聖餐啦!!

之後,我地又一齊同神立志,要過一個謙卑順服,遵行主愛的生活,之後,各人又係一個一個出去打手指模,象徵同神立約,等出去的期間,思惠姐姐行o在過來,同我同雪恩祝福啦!!勁感動^^之後大家一路唱著"專心仰望耶穌"氣氛勁正啦!!完o在受苦節晚會同微沙的弟兄姊妹去o在豆大食糖水,勁多人啦!!開o在6,7張台都有啦!!好開心,之後又去o在吉之島D chair到傾計,成點幾先返到屋企啦!!