2005年2月6日 星期日

今日無返到崇拜呀!!教o在鬧鐘7:30am起身返早堂,但覺得仲好眼訓,諗住訓耐少少改返午堂啦!!點之,訓醒時,已經過曬鐘,咁多年,好耐無試過因唔知醒而唔返崇拜啦!!即使返唔到,都係因為有事啦!但今次係因為唔知醒而唔返崇拜,真係有點內疚的感覺啦!

但下午有為標竿人生的禁食祈禱會,明明話午堂之後的一個鐘,但去到時已經開始緊啦!!當大家一齊為著這事祈禱時,但自己卻一D都唔專心啦!!之後,最後分組圍圈分享&祈禱,我同o在駱生同水花一組,大家分享大家的靈命,其實,自己講自己的野真係唔多,但係佢地的分享,卻俾我好大的得著,好記得水花講的唔好迫自己在靈命的低潮,要即刻上返o黎,寧願用長D的時間真正佢處理好,面對,否則,自己又會好快跌返落o黎,因為問題你都未真正處理,急於令自己的靈命上返來,只會令問題不斷的重複,無解決過啦!!

我覺得自己真係一個典型的一號仔啦!!第一型性格的人的特徵,我完全有齊曬啦!!我份人當看見問題,我唔容許自己一直困於起問題當中好耐啦!!當我覺得我已經起低谷中,困境中待了好耐時,我就會設定一個時間俾自己,起呢個時間之後,我就唔可以再頹落去,要企返起身啦!所以,我覺得水花講o個番說話真係好o岩我啦!!我就係成日都設定o在一個時間俾自己,可能其實問題未真正解決o架啦!!這只會令自己重複落入一個困境當中

返到屋企,我再去思考,咩令自己同神的關係一直停步不前呢?我發現係自己將所有的野捉得好緊啦!!無交俾神,我太多的憂慮啦!!我係o個D事事都會好有計劃的人,因為我份人要井井有條o架啦!!當有D野突然出現or發生,唔係起自己計劃,預定當中時,我會好驚O架啦!!我會好多野已經諗到好長遠,看不見的未來,好多的未知知數,令到我擔憂,害怕,我沒有將事情交托,擺上,我需要開放自己,主動去俾人關心啦!要學會說出自己的感覺,唔需要永遠都做到完美啦!!俾人看見軟弱的我,又有乜問題呢?因為根本人就係軟弱,又何需介意這一切?永遠起人面前型造出堅強,獨立的一面呢?