2004年1月29日 星期六

今日全日都起屋企,無出過街,其實今日係Ringo的生日啦!!我地決定好夜晚去BBQ同佢慶祝生日啦!原本我都諗住去的,但到o在6點幾時,真係勁唔想出去啦!!打俾Ringo同佢講聲我唔去燒野食啦!!其實知道佢唔mind,我先決定唔去o架啦!!之後,就打俾悅誼同佢講聲我唔去,其實唔想去的原因,一來係好累啦!!自放完聖誕假之後,就一直忙,唔係忙Test,就係lab report,lab,難得今日可以抖下,真係唔想出街啦!!另一個原因係心情唔太好啦!自月頭辭職之後,個人真係空閒D啦!!終於有D時間靜落o黎,自己去諗下野,起呢段時間,自己諗o在好多的野,發現o在好多的問題,但係雖然係知道,但我卻唔知點去面對,解決

呢家星期六,日唔洗返工,會返下教會溫下書,亦多o在時間去睇書,其實,我一早已經知道自己係九型性格中,第一型-----完美主義者啦!!當自己呢期又再睇關於九型人格的書時,講到好多第一型的人的一D特質時,我更了解自己的另一面,我看到自己好的一面,同時,亦有唔好的一面,心裡面好矛盾,第一型性格的人好喜歡抑壓自己的情緒,特別是憤怒,原因是他們不想在別人面前表現唔好的一面,破壞了他們的完美的一面,因為佢地想時時刻刻在人面前都展露他們的完美的一面,當自己去思想時,都發現自己不知不覺得也會抑壓起自己的情緒,原因也是不想別人看見自己不好的一面,這是,有何時開始呢?好似是F.4的時事啦!但呢幾年好似愈來愈嚴重啦!!不知由何時開始,型造了一個堅強,硬淨的我,亦因為咁,我唔敢同人講自己唔開心的野,俾人知道自己軟弱的一面啦!!即使是好朋友,我都未必同佢地講,我諗講得最多的對象應該係微沙的弟兄姊妹啦!!

起信仰上,好不滿同神呢家的關係,想同佢的關係更進一步,但無奈卻停步不前,想為佢擺上更多,但又做不到,那種無奈的感覺十分之難受,想同別人講,但卻不知如何開口,以往要表達自己的感受,感覺,是多麼容易的一回事,但現在對我來講有一定的困難,每當一想起這些,眼淚就會湧出來,在床上,攬著被子哭,哭累了,就睡著,然後又過著另一天的生活