2005年1月1日 星期六 (寒冷)

今日都係返早,今日Chris返早,都同佢講o在辭職的事,但佢叫我同Alex講,可能天氣太凍的關係啦!!所以呢個星期o黎食野的人真係唔多,所以都好得閒下,到放工啦!!先有機會同Alex講辭職的事,佢都問我點解要走,又叫我一星期返一日囉!!再唔係放下長假先啦!!同我都傾o在好耐,但我都仍堅持走,因為我知道雖然一星期話返一日,始終一返工就成日時間無o在,而且可能會睇錢份上,自己又會返多D,如果係咁,我寧願自己堅決D,其實我想下星期都唔返的,但係Alex話編好曬間表,呢家走,佢好難搵人替我,而且我都明白呢家真係唔夠人啦!!所以應承佢返埋下星期六,日

太累了,諗住返屋企訓陣,先返晚堂,點知一訓已經過曬鐘,Too bad...新一年,第一次的崇拜我就唔返啦!!如果明天唔洗返工,我咪可以返早堂囉!!但係我明天要返工呀~

夜晚,接到阿姨打來的電話,話婆婆可能就快唔得,佢地呢家即刻返上去睇佢啦!!但阿媽因為有事,返唔到去住,當我聽到呢個消息時,真係好愕然啦!!因為婆婆一向身體都唔錯啦!!之後,我即刻返房為婆婆祈禱,亦send ICQ俾弟兄姊妹,叫佢地為我婆婆祈禱.到o在9:00pm再打電話落o黎時,婆婆已經離開o在世界啦!!阿姨佢地都趕唔切返去見佢最後一面,好唔開心,由於鄉下的習俗係第二日即刻舉行儀式送婆婆走啦!!但係我明天要返工,返唔到去送佢最後一程啦!!心裡好無奈,如果我明天唔返工,真係帶俾大家好多的麻煩啦!!夜晚,send了SMS俾李姑,告知佢我婆婆已離開世界的事,沒想到佢即刻打電話俾我,問我點啦!一路同佢傾時,自己的眼淚不停流,那一刻,夾雜著好多的心情,雖然同婆婆唔係成日見面,但我知道佢好錫我啦!!我好自責自己點解無多D返去睇佢,無同佢傳福音,無把握同佢見面的機會,多謝李姑陪伴我,隔著電話陪伴我喊,多謝你!!