我睇返對上果次寫日記已經係3月，妳一定好唔開心喇，以為我唔記得呢到呀?!?!?

咁我又無咁衰^^!!

近呢年我工作上既事都好唔如意，主要唔係因為$($當然都好重要^^)，係因為發展，睇唔到要行既路先至令人最迷茫。即使係做廚房都可以睇到將來，目標可以係廚師，如果勤力都可以好有前途。長年既迷茫會做成好大既打擊，但係我又唔想逆來順受，所以無啦啦會好down，無啦啦會無心情，唔出聲...諗好多野...但係又唔知諗緊咩...但係妳放心，明年我一定唔俾自己再係咁!!

妳見我有時衰衰咁(妳覺得)既時候，就係因為咁，但係我又唔鐘意講(妳知啦)，加上妳我近排都忙，大家心情都唔好，壓力又大，我見近日我地又有少少(係好少)既嘈交，咁我一定要留意一下喇。我真係最唔想有d咩再影響我地感情，因為誇張d講我覺得我現時最大既成就就係我有一個好既屋企同妳，所以我一定唔係去破壞佢，所有野一定以你地行先。

我地5年喇，呢5年妳同我好似座過山車咁，高點低點都經歷過，我覺得唔係壞事，就算有一日過山車停了，希望我地都可以留低，在同一個遊樂場裏面，我地仲有好多遊戲可以一齊玩，到一日我兩都唔可以承受刺激既過山車既時候，
我地都可以一齊座觀光船，座木馬......一樣可以咁開心。