今天又下雨，到底下了多少天？我沒有計算過，我只知道，今天我們又沒機會上街了。

有次大雨過後，爸媽帶我們外出跑了兩個圈，回來後，我的眉毛給一條蟲蟲襲擊，爸媽手快腳快，扯牠出來，用火燒，再沖入廁所，才沒給牠吸血成功；但眉毛表皮受了點點傷，老媽子已經吵得快要拆天，一邊打電話比獸醫助手，一邊又話要買藥膏給我塗。唓！小事啫！癱咗我都可以起得番身，更何況是一條蟲？學老爸講：「碎料啫！」但老媽繼續急得通屋跑，老爸已經不理她，我則在地板上抱著阿爸隻拖鞋係咁咬，發洩一下我過剩的精力。那隻白痴仔孖T係咁擺晒尾，不識好歹，風頭火勢時要阿媽抱抱，兄弟，醒水D啦，阿媽發癲時，你最好學我同阿爸，扮無知扮無事，繼續做自己事，那風暴好快就會過去，抵你成日俾老媽打放屁股，因為你唔夠醒。不過那次之後，但凡下雨，或大雨過後，阿媽都不准我們外出。要等到晴天，或路面不再濕滑才可以外出。

我伏在地板上，看著門外的車來車往，人來人往；還有附近的街坊狗在散步。最近附近有位年輕美女出現。對，老闆娘那邊隻隻都係仔，悶死狗！難得有美女出現，我就長駐在門口觀看。有時有人行過門口，我心情不好，就吠他們，不過次次都換來阿爸阿媽喊打喊殺。唓！其實係孖T次次要扮英雄，扮自己識看門口，一個身位霸住我平日坐開的位置，我怕人家留意不到我，才狂吠！哇！老媽子的飛拖鞋又殺到了，我梗係閃啦。

（原文原刊登於澳門華僑報副刊專欄，刊登日期：2007年6月16日）