2005-06-11 11:54:29Rocky
6月10日. 日文聆聽考試.
昨晚為了準備今日個日文 listening test, 緊張 + 肚痛 + 唔知溫咩, 搞到訓得唔係咁好. 其實都知道係自己既問題, 因為正常既考試, 測驗既前夕, 都係無咩點溫書, 十點鐘左右就訓覺; 早訓唔係因為唔識, 而係溫到無野好溫. 奈何, 昨晚就不斷死溫爛溫, 但都唔知溫到D乜, 又夜訓... 所以考完之後都有種想尋死既念頭.
而且, 為了準備今日個 test, 我已經 skip 左成個星期既 anthropology 人類學 既堂; 雖然 anthro 堂講D 野好 19, 講黎講去都係講 culture, 但唔返學點都有D 唔好意思. 希望從今以後, 唔好再為其他野而煩惱, 能夠好好專心地溫書.