今日都幾無耐架…
我踩單車返到LKM，
同D童軍講左一陣，就諗住去食野啦，
就響門口見到tammy黎搵我…
我直情唔識講野，只係不斷笑，
行左一陣先同佢傾計，
都係問「你放學喇？」
「你去邊度呀？」
「哦哦……」
「你邊有肥到呀，仲係咁靚女~」
之後我就去哈迪迪食野，
佢就去搭巴士，
我食食下，猛拍頭，
阿丑你太蠢喇！
自己咁多時間，做乜唔送埋人去巴士站呀？
唉也…點解我依家先諗到架！嘩！

之後同Alan傾左陣電話，
佢叫我去D屋苑到sell自己個話劇班，會好好搵，
我諗諗下，又無乜膽去做喎~
遲下先啦！

返到LKM，就開始教班，
唉，今日都係唔齊人，好無奈！
次次都唔齊人，點排戲？
你話！
不過佢地今日開始玩得放架喇~
咁我都安慰D，希望佢地可以繼續keep落去啦！
如果唔係我教落去都無意思。
之後我地開會，打電話俾miss fung，
問佢christmas 前有無早會俾我地做show啦！
佢話無呀，因為D時間set好晒！
God damn it！
你地就話想搞個話劇組出黎，
但你又唔俾時間我地去表演，
即等於你請個小丑返馬戲團，卻唔俾機會佢表演，
你請佢返黎做乜？托呀？
我對LKM好失望囉！
又話想D學生點好點好，
但係呢？白癡架都！

之後又話幫我地book房book到6點，
點知4點半就俾人清場，
話唔想學生因陸運會留咁耐，要清場！
癡線！關我地屁事呀？
我地係「老林戲棚」！唔係「陸運劇團」！
處處都受制！你叫D學生點會有創意啦！
我地唯有去左麥記到開會，
決定好晒所有野，我要話俾學校知，
你唔支持我，唔緊要！我會俾成績你睇到！

返到新港城，去租碟時，
突然有個人跑跑下，暈左響我同兩個女仔面前，
我一時之間呆左一呆，
之後唔夠一秒就有幾個人扶佢起身，
我慢慢走，覺得好無奈同自責，
點解我唔係扶佢起身其中一個呢？
定係我已經無左依個心，
依個我以前有ge心，我改變左D乜？
我點解會咁ge？