大家好耐無見啦!懶惰的我,總是的唔起心肝好好的把想寫的寫下來,
但又唔想交行貨0咼!所以,大家見諒見諒!我會盡量將(季記)變成(月記),
我都唔想遺灟寶貴的開心事唔同大家分享!!哈哈!!

講起開心野,有一件事不能不說:”我等到啦”
等咩?今日就係我等左三年的星期六假期啦啦啦啦啦啦啦!!!!
實在太開心啦...一向貪睡的我,訓覺對我來說實在太重要啦!!!

自從三年前入左新公司,我從長短週變回五天半的苦痛日子!
大家可能話番半日姐,咪晏晝番屋企再訓啦!!但係大家有所不知,
我好爛訓的,所以好驚自己唔知醒,所以無論番工,番崇拜,
總之第二日要較鐘的話,我就會訓得唔安樂!!!

所以,一直我都好想有五日工,就算唔係長短週都好呀!!
但係一直未能如願,好了,到依家份新工,又係五天半的命運...
好啦,算啦,上帝都係用六日創造天地,星期日休息姐!!我多佢半日,都算好好!!!

到今年一月左右,教會有新職份 --- 司事,曉文同gRACE鼓勵我做啦,
我想想,都不錯呀,可以令自己不會偷懶唔番崇拜,所以就應承左!!
原來為神擺上,神會賜恩典架??點解咁講??

因為,我決定做司事時,正值係現職過試用期之時,
我同我”老餅”檢討兼傾新合約時,我鼓起勇氣要求長短週,
其實咁過份的要求,我都不敢抱太大期望,始終公司係有規有舉,
但係我個好”老餅”竟然批我呀!!!!人都癲左呀!!

多謝天父,因為你知道我所需,我會好好利用,
不會只係掛住訓覺的,我仲會行山啦,做下運動啦,同埋..總之就好好利用啦!
當然,仲要多謝我個好”老餅”啦!!!多晒~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

(圖為新水餃皇后~~小羅子,最新手作!YEAH!)