2006-09-17 23:01:20小羅
不自量力?!
2004年我有篇文章<1/5毅行者!!>???
當年我因組長的身份,硬著頭皮[不自量力]咁陪行左兩段,
足足六個鐘,當晚的痛苦情景,我仲好記得!!!!
但係當年我卻沒有嚇怕到,仲誇下海口說05年陪行四段,
06年我要做到一個完全的毅行者!!
點知上年??唉咪提,一段都無行過......
今年???大獲.......竟然抽中!!!!!
無諗過, 一直都係講下講下,完全沒有認真的諗過真正的情況,
因為好多人都話點會咁易抽中???
點知??第一年只入左一支籤,仲要係最後一日入,
咁都俾我抽中.......
結果,我同傑仔,阿雪同埋簡華三個人組成阿波羅隊!!!
抽中左,我就真係先開始有d驚,100公里呀!!!
咁現實就是現實,我們不得偷懶了,終於的起心肝去練山,
昨晚就是我們第三次練山的日子,
今次真係好"金",我們挑戰最難行的三四段,
結果,整整十二個鐘,行得超慢就唔洗講,
右腳早排已本身有一點點傷,
當行到今早7:00左右,右腳開始黎料,條根好痛,
再到約9:00左右,左腳大腿同腳皮底都有d想抽的感覺.........
行到慈雲山我簡直明白當年佢地形容咩叫
"行到隻腳好似唔屬於自己咁,個人勁疲,但對腳就仍然不斷咁行!!!!
經過今尋晚的練習,我真係開始問自己:羅景文,你係唔係[不自量力]左??
眼看隊友雪行完仲可以唱住歌落山,簡華仲可以跟人去跑山,
傑仔除左有少少傷外,其他都好似無咩事......
而我??我行兩段就死晒......
我想我真係要諗清楚我是否真係[不自量力]落去..........
我不想他們因為我不能完成大家的心願呢.........
Hihi,羅記知晤知我係邊個呢?唔記得就問下呀倫 la.! 一直以來都收到妳的blog email提示, 哈哈終於有空到來la.. ^^
一來到,就睇到這個咁振撼的消息!妳參加左毅行者呀!! 勁呀!! 我諗都無諗過妳有這份勇氣! 努力呀! 支持妳呀 and 各隊友! 團結就是力量 :P
ha ha .. KENNY !! 好少人叫我 KENNY !!
去 CAMP 幾時先!! 我係一個肥佬. 唔行得遠 ga!