Hi!Hi!各位,我小羅好耐冇寫野啦!!對唔住呀!!因為我生活實在太豐富,
當我想寫分享的時候,我已經又發生另一件大事,
我都唔知如何是好,主對我實在太好啦!!!! =)

好啦!!咁等我今次下我最近的事啦!!大家不要話我長氣呢!!!=)
由….十月講起啦!!我十月頭去仲一個改變我好多好多好多好多既新造營,
我真係帶左個"新造形"番o黎!好似聖經所講"新酒必須裝在新皮袋裡",
我覺得自己就係一個新皮袋,看神,看人,看事,甚至看自己,
好多都有了新眼光,新思想!!完來人真係會變架!!
多d看看你身邊的人,可能佢都已經改變了!! =)

到了月尾,我更放了一個難忘的假期,我同邊個去??就係...
同神去了梅窩共處三日啦!!真係好正!!因為以前是不會懂得一個人獨處,
一個人靜下諗下野,但係我响o個幾日,我真係完完全全電話唔開,
電視唔睇,同人講野都唔多的情況下,好開心的獨處三日!!
我今次不是因為唔開心要避世!!而係實在太多感恩事一齊發生,
我好想找個機會細心數算下!!

香港人,我地實在太忙啦!!找個機會,不需要好遠的外國,好富豪級的酒店...
少少一個離島,你都會發現你身邊有好靚的海,好靚的山,好舒服的風
一直在你身邊!!神真的做了一個美好的世界送給我們呀!!!
我好掛住梅窩個海呀!!!=)

到了剛剛的星期五,六,我第一次知道甚麼是毅行者,之前成日聽佢地點辛苦,
點難行,我都唔知到底講緊乜,因為我一向唔鍾意運動,d組員話outing行山,
我實話咪癲啦!!但係我星期六竟然走去陪行!!全程100公里(10段),
我陪左佢地行最後2段由大帽山到終點,成20公里!!成六個鐘呀!!!
我一定係癲左!!我真係好興奮,我竟然完成到呀!!所以我就係1/5毅行者啦!!

但比起他們行足全程的,我不算甚麼啦!!不過我相信一生人一定要行一次! =)
其實當有些事人一直只會想自己得唔得,只在懷疑自己可不可以,
而一直唔試,唔做,唔行!!你當然永遠都無可能會得到你想要的!!
但當你試過!行過!做過!雖然,結果無人知,但起碼你已是無悔了,
因你已對自己的人生交代了!!!

朋友,人生不要白過呀!!! =)