我應該用乜心情打這篇日誌呢 手都起度震了
好多日了 唔記得幾日了 你始終沒有理過我

知道你這個人 係高二嘅時候吧 嗰陣同我班男生打交啊 = =
是因爲聽說你係虎門的 先留意到的
見到你 祗有一個唸法 好串啊-___- 氣焰好盛嘅一個人

後來大概聽講你走咗 然後起東華高考嗰天 見到你
超驚奇咁同fm講 佢唔係細我哋一届噶嘛
竟然來高考了 後來先知道 原來係同屆嘎

後來 係要考長途嗰日 見到你 心入面竟然有啲驚
因爲一睇上去就覺得係一個好串嘅人 = =
結果 我竟然同你同車考長途 全部去考嘅得我一個女仔啊
可想而知 心情有幾無助
我坐起車度 完完全全唔想出聲 祗係想快啲翻屋企
不過 你同你朋友都好搞笑 所以我都放鬆好多
本來想兩日都唔開聲講嘢噶
因爲我見到陌生人都會 有種抗拒嘅感覺 而且會怕
係嗰種 人哋唔同我講嘢 我打死都唔出聲嗰種
見到你同你朋友真係成個細蚊仔咁 我就知道你哋一啲都唔難相處

對你有好感我好清楚係幾時 係中途食完飯時
餐廳入面有個細蚊仔行過 你好自然咁摸咗佢一下頭
結果俾我見到咗 我當時有幾訝異 你知麽
我當時第一個唸法就係 鍾意小朋友嘅 應該係非常純真嘅一個人啊
從外表真係睇唔出

後來出咗來 有隻貓仔起部車下面
你朋友想過去 應該係要嚇隻貓仔呱
結果你閙你朋友 唔好嚇親人啦
我當時又俾你嚇咗一驚 鍾意動物嘅人都係好純噶嘛

可能就係因爲咁 我先鍾意上你
結果 晚上食飯時 我基本上無食
因爲對住一大班男生 又唔熟 我真係好唔慣

結果到咗酒店 你居然來我房 問我係咪真係唔使食嘢
我當時真係好感動 後來你仲發信息來話臺上有張單
肚餓記得要叫嘢食 你嘅關心 我真係感動噶

後來要考路試 估唔到會一大早收到你電話 當時衫都未換
就亂著件衫就沖咗出去 結果見到你衫都無換
嘴唇仲損咗 當時真係好想問你 點解咁
不過始終唔敢 因爲覺得咁樣有啲唐突
後來知道原來你怕狗啊 覺得你絕對係一個細蚊仔= =

後來好自然咁 我哋一齊 我發覺你鍾意拖我隻手
無論起車度 起街度 我唸 咁係代表專一嘎啦
起車度 你幫我整頭髮 我真係估唔到你係一個咁細心嘅人
起伯頓 你同朋友打牌 我起度瞓覺
你都會關心我 會唔會無聊 幫我整好件衫 問會唔會嘈著我 食飯會擔心我唔食
呢一切我都非常驚訝 我以爲你咁嘅性格會起朋友面前 好大男人主義咁唔理我

後來 你就去咗澳洲旅遊啦 晚上都係會打電話俾我
你會話 點解唔揾你 其實唔係我唔想揾 祗係每次想揾都會覺得自己會阻住你
我變成成日望住嗰電話發呆 有時甚至會懷疑電話係咪壞咗
因爲收唔到你信息 電話
你翻到虎門 好夜 都好累 但係你都會發條信息俾我報平安
翻到屋企都會俾電話我 有種歸屬嘅感覺

16號下午時 突然收到你電話 問我戴唔戴腳鏈 要攞條俾我
你知道麽 我好開心 祗係因爲終于見到你
其實我好早就買咗情人節朱古力 包到超靚吖
本來想起嗰日攞俾你 因爲唔知幾時先再見到你
但係媽咪起度 咁大盒 我真係唔知點攞落去
結果因爲起 我屋企個小區啊 啲人識我 所以先好赶咁 你就走咗

後來 嗰日 我兩日無你消息 我好心淡 然後兩點時 我發信息問你起邊
結果我講咗分手 發覺你關咗機 我唸埋一邊 非常嬲
但係 你好冷淡咁 嗰晚我喊到早上

後來 我同你講咗好多 你先信我係真係鍾意你
我先知 原來你係一個對人好無安全感 唔輕易信人
你好似一直都覺得我有其他男朋友 真係無
好久無男仔可以接近我了 除咗幾個男性朋友
嗰晚 你肯同我好翻 我好開心 同妹妹講咗 結果仲俾妹妹笑
因爲覺得你係一個大細路 所以有時你嘅脾氣 我都可以接受
因爲我知道你係無心傷人

第一次咁短時間咁樣鍾意上一個人呢
連我自己都覺得好莫明其妙
好多人都話 我咁樣唔值得
不過 我無唸咁多 我祗係按住自己個心想點做 就咁去做
可能你覺得有時我講嘢語氣都唔多好 祗係我對住鍾意嘅人總係咁
總係唔知點做好

自從嗰晚開始你連理都唔理我了 或者係新鮮感過咗 唔鍾意我啦
又或者我做錯事 我唔知..
嗰晚 我醉咗 喊咗一晚 第一次為男仔飲醉

不過 我想講嘅都講晒lo..
如果真係唔想同我一齊 我哋做朋友吖 我明噶
你唔好唔理我 唔俾答案我吖
咁樣我唔知點做好

做朋友嘅話 我絕對唔會再攞呢種問題來困擾你
我唔否認我仲係好鍾意你 但係我唔會再煩你嘎

以上 to Dragon