今早考完paper1, 計過有27條係唔肯定, 但若錯多過23條, 就會肥佬! 但願合格!
今日下午12點幾, 終於遇上一個返工咁耐第一次所遇到的痴線客人, 由於我唔記得覆佢電話, 但他仲未同我做申請架喎! 佢由inbound打上黎, 先用粗口鬧完inbound同事, 繼而再指明要找我, 又鬧過, 係到問我係咪要等佢打黎先得, 我心係到諗你係乜水, 我一日打成百幾隻call, 點記得咁多! 又係到問你知我等你電話等到幾多秒? 係到要我答, 我死唔答, 同佢周旋呢個問題成10幾分鐘, 又話你係咪讀大學, 咁簡單數都唔識答, 又問類似1+1等於幾多? 簡直係crazy! 我manager, inbound同事原來都有online傾住我call, 我manager 俾左計數機show64500秒, 我都係好唔想答, 我已經講左道歉, 佢仲係用粗口鬧, 之後佢又話我睇唔起佢...我覺得佢係自悲囉! 話左成半個鐘, 又話要向我經理投訴, 跟著我係好想transfer俾我經理, 個客又話唔得! 之後, 態度突然180度轉變, 叫我計下佢依家所欠的數~15萬, 佢話依家可以借幾多俾佢, 我話月薪四倍, 佢話只係咁多, 問多d可以? 跟著話叫我俾個deadline佢要幾時答覆, 我是但話8月中, 到時佢又會打我直線, oh my god!!! 佢又問我年齡, 我咪話23, 佢話佢大我一年, 我真係滴汗! 最後話你都食lunch, 唔阻住你食!
收左線, 我唔知點解係咁喊, 我經理和同事都個個黎安慰我! 話唔值得為呢個人咁, 我其實係第一次遇到呢d case, 我真係唔知點handle, 同埋有點驚! 但之後我係見到咁多同事支持我, 我又喊係因為感動! 我真係好眼淺! 跟著我manager仲買左盒朱古力黎氹我!
經過呢件事, 我學識左唔好同客周旋咁耐,唔好俾佢蝦倒我, 原來我係有權中止同佢對話如佢係講粗口~ 深深體會到做inbound的慘事, 佢地日日都會接呢d 痴線人電話! 真係會crazy!!!!!