Raku，

你個台灣朋友都幾怪，咁都可以嘈
其實基本上我睇唔到既msg我會當無收過，
反正係緊要既話，你都會send多次比我啦。

講開台灣朋友
我識果d台灣朋友都好直率
都幾不留情面
你睇CIA都知啦，有時唔小心打錯少少字，
d台灣人就會話「留言前唔該睇清楚先啦」
或者講d更不留情面既說話

講真，都幾佩服佢地。



===========================
其實我無睇過果套戲架
只係好偶然咁有日帶左出街聽
好唔開心囉，聽到個人好累，行多兩步就決定放棄番屋企
呢排因為好早就眼訓，成日9點10點就想訓，但因為我屋企人未訓，所以好嘈，只好塞住耳仔訓囉。
通常聽Lily chou-chou聽唔夠兩隻歌我就已經訓到死左咁！好強勁！

岩井俊二當初係因為睇左Faye concert所以先有靈感拍左呢套戲，
可能因為咁，又令我有d情意結啦。
可惜聽Faye d歌我唔會訓得著，因為個心會不自覺跟住佢唱。

聽你咁講，我唔會睇果套戲…
因為我唔想無左我既床頭碟！

睇來你既新工都番得幾順利bor…
我都要努力d先得啦！

搵日出來食飯啦！



=============================

我d頭髮長左好多，
因為我已經兩個月無剪過頭髮！
又因為我積極儲蓄既關係
每個月一千蚊比左我大家姐keep，
即係話我每個月得一千蚊洗
所以最快都要月尾先去到剪頭髮！
希望快d換過個髮型啦！
依家個髮型睇到都眼冤！