復活節笑死狗鉅獻
詹瑞文「狗」到過晒界 七情上「聲」娛樂大家

一個男人到底可以有幾「狗」？

答案係「狗」到變鰦隻大笨狗，西裝骨骨但係四腳趴趴，返工開會開口就吠、唔妥即咬，一見面就「隊」個頭埋人地個pat 度social 一番……

今個復活節，人狗玩過界瘋狂大搞作，電影公司特別加料，重金禮聘形體棟篤笑大師、憑連場爆滿舞台劇《男人之虎》成為麻甩佬代言人鮋詹瑞文，撲身大銀幕聲演「大笨狗男人」，淨係靠把聲都可以玩到出神入化，篤到你笑口不絕！

德大偉係一個工作狂律師，將大好家庭掟埋一邊，終日沉迷工作，由朝到晚做到隻狗咁。點知有一日，失驚無神走隻大笨狗入屋，仲無端端咬鰦佢一啖，被咬律師自此以後有時係隻狗，有時又變返人，搞到佢自己都亂晒籠，爆出無限笑料！查實無端端好人好姐點會變狗，原來事件背後隱藏驚世大陰謀！大笨狗律師得番「半條人命」，點樣同財雄勢大無良大財團周旋？

一個人到底可以有幾「狗」？答案係由頭到腳都咁「狗」！

一個工作狂律師Dave，有大好家庭置之不顧，每日沉迷工作，老婆唔開心佢唔理，仔仔學校見家長佢又唔理，每日掛住做做做！有一日，失驚無神走隻大笨狗入屋，仲無端端咬佢一啖，被咬律師竟然變身成為大笨狗，呢個冰冷家庭故事就此改寫！

自此以後，律師有時係隻狗，有時又變返人，搞到佢自己都亂晒，結果爆出無限笑料！戲中不同動物仲會大兜亂，迪士尼的超級特技效果肯定令你捧腹大笑！不過無端端好人好姐點會變狗，原來事件背後隱藏重大陰謀！律師Dave得番「半條人命」，點樣同財雄勢大無良大財團周旋？


迪士尼重金炮製的特技加爆笑電影，保證觀眾笑得開心，睇得過癮，肯定比《變相怪B》(Son of the Mask)、《衰鬼上帝》(Bruce Almighty) 等賣座搞笑電影更抵死，特技更出色！復活節想開開心心笑餐飽，這套電影實屬必睇首選！

www.disney.go.com/disneypictures/shaggydog