2004-03-02 22:09:10袁利
我的父親母親
我的父母,其實很可愛。
(一)
老爸讀娛樂版,見《迷失東京》導演蘇菲亞哥普拉的報導,媽媽走近插口。
媽︰「知唔知蘇菲亞係邊個個女呀?」
老爸為保面子,便緊張起來︰「唔好嘈,等我睇吓先,蘇菲亞……蘇菲亞羅蘭個女……」
我和媽媽,哭笑不得。
爸繼續︰「蘇菲亞……哥普拉,哦!哥普拉吖嘛,教父哥普拉嘛!」
媽︰「咪好似王晶同王天林咁囉。」
(二)
爸︰「原來《迷失東京》參考《花樣年華》,都係講中年感情危機。嗯……我咪係中年感情危機囉。」
一說完,媽媽立即瞪著老爸。
(三)
爸︰「我哋係咪有《魔戎》一二三集呀?」(老爸,第三集未出呀)
媽︰「一集好長架,要睇好耐架。」
爸︰「咁咪要睇幾日?等我瞓足精神先睇喇。」
(四)
老爸見《種計》影碟廣告。
爸︰「尼古拉斯基治,我偶像呀。」
媽(又插口)︰「白頭佬嘛,我同事英姐話係佢偶像呀。」
爸(為偶像擔心)︰「乜佢叫白頭佬咩?」
媽(不加理會)︰「英姐仲話呀,蔡瀾都係佢偶像,仲有,林保怡都係。以前就鍾意黃子華,而家就鍾意林保怡。佢話最憎就係吳鎮宇,話佢做飛機師個飛機頭好肉酸……」
爸(開始著急)︰「叫白頭佬咩?」
媽(仍然喋喋不休)︰「英姐話佢個女就鍾意林一鋒,啲飛幾貴都要買去聽……」
老爸已不理會,專注地望著廣告中的尼古拉斯基治,為著自己不知道偶像的別號而擔心。
媽︰「仲有呀,發哥都係英姐偶像……」
看來,老爸的地位因英姐的介入而不保了。
還有,媽媽,究竟誰是白頭佬呀?
各位,我就是在這樣的家庭中長大的。
(一)
老爸讀娛樂版,見《迷失東京》導演蘇菲亞哥普拉的報導,媽媽走近插口。
媽︰「知唔知蘇菲亞係邊個個女呀?」
老爸為保面子,便緊張起來︰「唔好嘈,等我睇吓先,蘇菲亞……蘇菲亞羅蘭個女……」
我和媽媽,哭笑不得。
爸繼續︰「蘇菲亞……哥普拉,哦!哥普拉吖嘛,教父哥普拉嘛!」
媽︰「咪好似王晶同王天林咁囉。」
(二)
爸︰「原來《迷失東京》參考《花樣年華》,都係講中年感情危機。嗯……我咪係中年感情危機囉。」
一說完,媽媽立即瞪著老爸。
(三)
爸︰「我哋係咪有《魔戎》一二三集呀?」(老爸,第三集未出呀)
媽︰「一集好長架,要睇好耐架。」
爸︰「咁咪要睇幾日?等我瞓足精神先睇喇。」
(四)
老爸見《種計》影碟廣告。
爸︰「尼古拉斯基治,我偶像呀。」
媽(又插口)︰「白頭佬嘛,我同事英姐話係佢偶像呀。」
爸(為偶像擔心)︰「乜佢叫白頭佬咩?」
媽(不加理會)︰「英姐仲話呀,蔡瀾都係佢偶像,仲有,林保怡都係。以前就鍾意黃子華,而家就鍾意林保怡。佢話最憎就係吳鎮宇,話佢做飛機師個飛機頭好肉酸……」
爸(開始著急)︰「叫白頭佬咩?」
媽(仍然喋喋不休)︰「英姐話佢個女就鍾意林一鋒,啲飛幾貴都要買去聽……」
老爸已不理會,專注地望著廣告中的尼古拉斯基治,為著自己不知道偶像的別號而擔心。
媽︰「仲有呀,發哥都係英姐偶像……」
看來,老爸的地位因英姐的介入而不保了。
還有,媽媽,究竟誰是白頭佬呀?
各位,我就是在這樣的家庭中長大的。