train咗一個禮拜 感覺好累啊
日日都要上成七個零鐘堂
而且又多野記 番到屋企要溫書
對於年幾冇番過學.上過堂嘅我嚟講
簡直係一個極大挑戰
禮拜一完咗個open book test
禮拜三又嚟個close book test
好險啊 禮拜三個test 76分啱啱好pass
其中有幾題仲要係裝winnie嘅 ==
試後檢討 自己確實溫得唔夠
未溫完就上床瞓覺
除咗因為累外 另一個心態就係因為
以為 "黑格比"會延續到禮拜三朝早
諗住果朝早啲起身溫 宴晝test應該冇問題
點知黑格比落得咁快 ==

頭三日都係好多資料性野要記 所以真係好累
第四五日就好d 唔使test 同埋講啲野common啲
點都好 呢啲都只不過係啱啱開始 挑戰陸續有嚟
唔想俾人out 就真係要醒醒定定 俾多啲心機喇

.......................................
by the way
禮拜五打電話問謝太攞工作證明又有一段小插曲
十點幾放break 諸足勇氣打番巴富 點知謝太未番
lunch又唔得閒打番去
結果4點幾放break 打去同謝太講份新工要工作證明
意外地聽到佢話佢知啊 嚇咗一嚇
原來渣打 HR department己經打咗去
comfirm我係咪真係喺巴富做過 & 了解我嘅工作表現
聽到我一額汗 好彩我一向老老實實 如實同謝太講我搵咗新工
唔係都唔知點喇
有樣野幾感動 就係成個電話對話 謝太嘅態度都好好
佢冇怪我另覓新工 仲話佢同sc hr staff講我係個好女仔
幫我send工作證明過去 & 祝我份新工番得開心啲咁話
感動 & really thank you ~