9-June-2006

全城期待! 今晚就是四年一度的世界盃開鑼夜啦....
連我這個唔係成日睇波的人都PLAN左一個睇波TIMETABLE~~
世界盃 - 果然不同凡響~~~~!

記得我第一次睇世界盃是98年~!
那時無線都仲有得做直播嫁~~~!凌晨三點一個人起身睇~~~!
經典的球賽當然是「英格蘭對阿根廷」個場啦~~
真係睇到火都黎!!
我最鍾意既碧咸比人趕出場...好唔開心....!!
最終英格蘭12碼出局...
踢完都天光lu....
好彩果時放緊係暑假ja~!

仲有那年的決賽「法國對巴西」~~!
可惜果場波一d都唔好睇~~ 真係激死人啦~~~
那場的巴西踼得比港聯還要差~~~!
真係晒心機捱眼訓得個桔~~!

02World Cup睇住碧咸由差d踢唔到
到一腳踢仇人阿根廷出局...
開心到震...
不過最後輸比巴西都無咩好講la...
ANYWAY~~
最後巴西捧盃~~都算有個交代~~
那亦是「細哨」- 朗拿甸奴掘起之時~~!

今屆英格蘭都幾齊腳....
而家朗尼都出到賽...
家上碧咸可能最後一屆la....
希望佢可能散發最後光芒la~
帶領英格蘭殺入決賽啦~~

我今年都買左件英格蘭作客波衫..
仲燙埋字添...
緊係燙左碧咸啦~~! Haha~~

Yeah~~! 全情投入世界盃狂熱~~

P.S.
好多隊伍的球賽都想睇~
必睇 (支持隊伍) :
1.英格蘭
2.巴西

如果起到身OR係早場(2100)都會睇的隊伍有:
1.荷蘭 –
98 WORLD CUP全攻型的戰略~~~!
冇入球都好刺激~~
可惜02 WORLD CUP入唔到圍~~!
THEREFORE,好祈待這支新的荷蘭隊會有咩驚喜!

2.葡萄牙 –
因為有 C.朗拿度

3.阿根廷

4.日本, 南韓 – 話晒都亞洲球隊! 點都支持下!

******************************************************

10-June-2006

揭幕戰 : 德國vs 哥斯達黎加 4:2
因為BENNY & 小WILLIAM 係德國的FANS,
又因為係揭幕戰,
加上係星期五晚而且第日係SHORT WEEK~~
所以一定出去睇波啦~~
唔留意開德國的我~~~
唔識俾COMMENT~~
BUT 都覺得德國好有隊型~~
只係後防唔係好得~~~!
兩球都係比人單刀入左~~!
不過整體都打得唔錯~~~
起碼有6球入球已經抵晒~~~

第二場 : 厄瓜多爾vs 波蘭2:0
冇睇~~
因為睇完揭幕戰已經兩點幾三點~~
要回家了~~~

今晚在酒吧內發生左d衝突~~
仲要係我地同一班人同另一班人既衝突~~
好在有驚冇險~~~
阿 ken 好man呀~~
benny 仲好好火呀~~~!
估唔到小丁咁堅~~~!
勁呀~~
好在有你地ja~~~
cheer~~~

******************************************************

11-June-2006
由於前晚酒吧老闆唔識做~~
我地本來book左 3 晚在那間酒吧睇波
都cancel晒d booking啦~~~
所以今晚(10/6)轉戰九龍城廣場
齊睇英格蘭第一場分組賽
整個商場都好多人 ~~好熱鬧~~~
不過就唔算好爆~~!
不過個商場竟然開錯台
開左有線另一個足球台
攪到開左波10分鐘先轉台
冇睇到英格蘭第一個入球......
可惡!!!!


B組第一場 英格蘭vs 巴拉圭 1:0
我至愛的英格蘭…一定睇啦~
不過都係有d失望…
個個都話佢地今年係咁多屆最強…
但係都係贏一隊弱隊1:0…
仲要係人地擺烏龍…
奧雲成場唔知去左邊?影都唔見下~~
高治就真係得個「高」字…
但係咁都唔夠人頂…
林伯特同謝拉特好明顯不在狀態…
今場全靠後防…不過都可能係因為對家唔勁, 所以先未受太大威脅

B組第二場 千里達vs 瑞典 0:0
呢場我係下半場先開始睇
不過就真係好好精彩…
下半場無幾耐就千里達有人紅牌出場
在瑞典猛攻的情況下依然守和瑞典

我睇完之後真係為英格蘭擔心
仲以為千里達好易對付…
瑞典又咁難打…
兩場都硬仗…死未

跟著係阿根庭vs 科特迪瓦 2:1
頂唔順~~…訓左~~

******************************************************

14-June-2006
呢兩晚都有冇波啦~~~
只知道阿根廷,荷蘭,墨西哥,葡萄牙,捷克,意大利同報捷~~!
差d漏左~~ 仲有昨晚的南韓&巴西~~~!

唉~~~! 隊隊都好有隊型~~
又有攻擊力~~~!
打出「皇者風範」~~
相反~~ 英格蘭頭場就......
唉~~希望明晚佢地真係做番場good show~~!
贏千里達之餘亦俾人知道佢地係有「皇者風範」
千祈唔好入一球就縮~~~
雖知道英格蘭成日都係先領先，然後比人追番轉頭ga la~~

******************************************************

16-June-2006

B組第三場 英格蘭VS千里達 2:0
第一球 84min - 由高治頂入
第二球 90+min - 謝拉特中路volley勁射掛網

昨晚去左鄰居家中睇波~~
睇到我扯曬火~~
都未試過睇波睇到想打人~~~!
慶到爆~~~~!

基本上頭果80分鐘都唔知英格蘭踢咩~~~!
門前把握力係零~~~!
碧咸成場走~~
砍D波入去俾個死人高冶
佢都係向上頂~~!
真係睇到火都黎埋~~

高治人又高過人, 腳又長過人
個人咁高,頂個頭搥仲屎個d矮個佢0既人.....
真係10球先有1球入...... 曬晒ｄ機會～～!
佢真係廢到爆~~!
就算而家高治入左波都要鬧佢
果球六碼點都唔知攪乜!
都冇人MARK佢!控定個波左轉身都仲得~~~
又唔知自己咁高~~ 堅要 “倒掛”~~
結果係咩呀??… 咪就係 “撻Q” JA MA~~!

林柏特踢得都唔係咁好.....
失左好多機會.......
真係又多個.........
令人失望

朗尼復出都係一般!
仲好似肥肥地~~唔係好去~~!
(冇左個R掣??HAHA~~~)

奧雲表現今場比上場積極左~~
BUT都係冇咩表現~~~
唔知踢乜!! ONLY走來走去.....

自從換左Lennon & 朗尼之後
成隊英格蘭生猛左D...
緊係啦~~ 都已經60mins 啦~~
仲唔入波真係想唔出線咩?!

不過睇左兩場
我都係覺得英格蘭冇咩進攻方式~~ 好單調~~!
Only得兩翼傳中~~ then靠高冶!
都冇咩中路入隙 ~~~
or 黎個 one-two撞牆~~~!
如果之後再係咁~~
真係byebye~~!
今場係得last果球謝拉特係似樣d~~!

入第二球果時我真係彈起身尖叫....
好興奮～～！
雖知道英格蘭好衰～～
仲要係84min入左一粒~~
佢地好興就咁就守完場ga ma~~!
幾驚佢又俾人追番～～～！　
之前已經有球好險～～　！！　
好彩泰利護空門先唔洗輸ja...
如果唔係晨早就俾千里達入左ga la~～～！

anway~~~ 繼續支持英格蘭~~~~!
希望佢地入到四強啦~~~!

好啦~~講完場波~~
又係時候講下點解我咁慶啦~~~!
原因咪就係我鄰居law~~
佢地3兄弟都係捧千里達~~~!
仲要加多左個不知明的大叔~~佢都係千里達fans~~!
Only得我& their mum 係支持英格蘭~~~!
4個千里達,2個英格蘭....
仲要係4個男, 2個女....完全處於劣勢la..

成場波~~
俾果個大叔由頭串到尾~~
我又唔係好識講波~~!
加上英格蘭真係踢得唔好~!
我道氣”chuk”住之餘仲為英格蘭緊張ga ma~~!
英格蘭入左一球之後~~
個死人大叔仲唔收聲~~仲響到發up瘋~~~!
Haha~~ 好在仲有謝拉特球volley~~
真係咩咩仇都報晒~~!
個大叔咪死死地氣~冇聲出law~~~!
Hahahahhhahahahahahhahaa~~~~~~~~~~~~~~~~~~

個死人大叔係咁話我地d女仔唔識睇波
我心諗你又好識咩??
淨係睇你捧千里達已經知你咩料啦~~

講真千里達淨係得過守字
亦完全唔見得好波左去邊...
淨係識得10個企晒係禁區頂守....
打半場全守陣式~~~
咁樣既足球有乜咁勁呀……

B組第四場 瑞典VS巴拉圭1:0
已經訓左~~
不過都係意料之內的結果~~~

世界盃開左波已經成個星期~~
我only睇左3場波~~仲要有2場都係英格蘭~~
係時間睇下其他國家啦~~~
必睇場次~~~
今晚(16/6)
2100 阿根廷 vs 塞黑
0000 荷蘭 vs 科特迪瓦
星期六晚 (17/6)
2100 葡萄牙vs伊朗