06-Jan-2004
今日去左觀塘，嚴格來說，應該係牛頭角，去整我部入菲林的相機，其實在去既路途中，我已經打左電話去問佢個 office hour，確保我去到既時係唔會arm arm off 左個 office hour，點知，我去到觀塘個 MTR station，一睇個地圖，就知出事嘞!!
個地址明明寫住「觀塘海旁道133號」，點解個地圖唔見觀塘海旁道?? 於是，我已經好醒目咁去問下站長。

站長:「下!!?! 海旁道??! 好長嫁~~ 你最好問下間公司個 location 係近觀塘站，定係牛頭角站。」

唉!佢咁講，我都知我自己「踩屎」! Anyway，我都打左個電話去間維修相機中心到問清楚點去。好在，個職員都好好人，好清楚咁同我講解點樣由牛頭角站行去佢個維修相機中心到。

好不容易，我終於去到果座大廈(其實係一座工廠大廈)既門口，離奇既事亦由始展開……

1. 一去到個大廈個正門，有個 security 坐左係到， 有 3 部客 lifts ! but 阿secur 哥哥叫我去後門附近、上落貨的貨lift 先可以上到去~
2. 上到去12/F (頂層) 好大個話係維修相機中心, 點知一推門, 係貨倉黎, 又好奇怪, 有個大漢走黎同我講維修相機中心要再上多一層, 仲要行樓梯~ 真係有D 驚~~
3. 上到去~ 有個 reception伯伯就叫我open area 坐下, 佢call 師傅來~點知我在觀察這個新環境,發現所有book shelves 的書都係「日文書」! (but it seems that all 師傅都係中國人!奇怪!!!)
4. 有個special 的 smoking chair , 仲係「大班椅」, 係for d 吸煙的師傅坐在上面smoking! But 係冇同 open area 隔開, 這個奇怪的 smoking chair 係在我離開時見到有個人我坐在果張smoking chair 上 smoking ，果時先明白果張咁「大班椅」的用途~~

好在,經師傅即場維修後，相機已經修理好，仲可以即時取回添~!!!

19-April-2004
好唔開心~ 部相機在在1月維修好之後, 唔夠3個月, 又唔知點解壞左~ 今次好唔好彩, 個師傅話我部機壞左快門, 要成 nearly $500 先可以同我 repair ~~
咁貴~ 不如買過部算啦~ so 我都冇 repair 部機啦~~


PS. 附圖就是那部壞左快門的相機啦~~