今個2005年o既生日，真係好正囉！除了各方好友來恭賀外(好似擺大壽咁，叫老晒添)，今個生日，有一班好同事話分兩頭咁陪我慶祝！
先講5月8日丫！
早上去佐打桌球，都係生平第一次"篤"o架咋！我人又細粒，手又短、腳又短，連手指都短，手勢都不曉咁，真係要懂的話，下次真的要認真D學lu！
跟住，實在太大雨，我地都"鼠"入隔壁的機舖，舖仔細細，玩下篤篤機，入到機舖真係傻下傻下，都係鍾意睇人打機多D！
再跟住，就去唱K，又可以見返好久不見的枝枝啦！又同班同事開開心心咁慶祝啦！又飲我最喜歡愛的(無含酒精成份)香檳！好好飲唷，本來，想"對"埋佢，但一早到午都係飲飲飲(O茶，菜蜜)仲已經一肚水。最喜就係乾杯那刻，好開心！仲開心過切餅呀！謝謝大家！
跟住.......好乖乖咁去同男友媽媽一家人食飯囉！
再講5月9日丫！
下午食飯，簡直係飲佐"人蔘雞湯"咁甜到入心啦，落雨落到"由頭濕到落腳指尾"到濕埋，不過真係要多謝各位美女，請我食這餐飯！這場"出路與著貴人珮"的雨！真係難忘到飛起！
到晚上，同男友仔去佐"美國星期五餐廳"食飯囉！好大碟呀！好好食呢！張圖片就係拍下了餐廳的日景，係咪好舒服呢！D待應生仲好有禮貌，隨時喜歡o既話，仲可以買埋佢招牌T-shirt添！
今年真的好開心，有咁多好友好同事同我過生日！多謝各位！！