今日返工做錯好野呀，電腦又不停咁HANG機，做完D野又SAVE唔切，
所以今日返7點都冇用呢，因為D野冇哂，好慘呀，
我係咁做佢就係咁HANG機，搞到連飯都唔敢食，
要趕起哂D野佢，所以今日放工果時真係好唔開心架。又累又忙。
不過當收工果時，行過一條路果時有一陣好香既白蘭花味，
記得如家姐之前住果到有一條小路，我每個星期日一定會經過小路再去地鐵站，當每一次朝早經過小路既時候，一定會聞到陣陣既白蘭花味，
同埋一D早上既氣息，係一D令人舒服既氣息，
而我次次聞到白蘭花味心情好快就會平靜落黎，
而今日又當我聞到白蘭花既味，心情亦都好自然咁慢慢平靜落黎，
雖然係好累，但係係咁累既情況下都聞到呢D花香，
的確係最好既(大自然鎮定劑)。
不過好彩既係我到呢一刻仲好鐘意份工，雖然仲有好多唔如意既事，
但係都總算好開心呢。
不過天上DADA呀，你可唔可以加多小小力同記性仲有靈活既頭腦比我，
因為呢份工係好需要呢D野呢，不過我知道我就算唔同你講，你都會比既係咪呀?