下星期其中一科考口試，這星期要夾硬幫學生"補底"。大多數都知驚，最少會留心聽考試程序，除了星期一的頭一班(就是那些比貴學費的"F"仔 -- F 是"Market Free" 的意思，不是"Failed"那麼明顯) -- 給我"整頓"了:

上星期說好不要遲到，結果還是要"邊食邊等"，同一樣事我也想不起說了多少次。
來到還要玩還要嘈 -- 大佬下星期考試呀，連程序也不聽。第一次發難:

我:"你地到底聽唔聽架? 唔聽我唔講喇。"
F仔:"聽..聽..聽.."
我:"咁唔該全部同我收聲，唔好我講你又講得唔得?"
F仔:"得..得..得.."

不夠一分鐘，再嘈過。最慘的是有數個真的想聽的被人打擾。免強說完流程，要他們分組Practice一下 -- 好似考Mock似的讓他們熟悉一下情況。

擾擾攘攘一輪仍未Settle，有人繼續玩有人繼續看都市日報。第二次發難:

我:"你地做定唔做? 唔好唔好做喇，落堂啦。"
F仔:"做...做...做..."
F仔2:"Miss 今日好躁喎..."
我:"下個禮拜考試喇，你地都可以唔緊嘅..."
F仔3:"Miss我地慣左補考架喇...次次都唔合格存啦..."
F仔4:"係呀，我考試唔返都試過啦..."
我:"你地可唔可以唔好諗住有得補考?" (你班死野，咪阻住我放聖誕呀。)
F仔5: "下?無我地成世都畢唔到業架喇。"
我:"你咩態度呀? 有書又唔讀。你地唔好做喇，放學啦。"
F仔:"唔好..唔好..唔好.."