還記得我開新聞台的原因，
是希望寫出自己的大學生涯，
不經不覺，明天的課堂是最後一堂了。

我好記得我大學上完第一堂課之後，
我的感受係好ｄｏｗｎ，
還回家哭，哈～
現在想起都覺得好笑，
可能以前對大學生活充滿幻想，好理想！

真的好失望且失落！
並且一開始第一年會將自己封閉，
不想認識新朋友，
因為我還很掛念我的中學生活，
好掛住我的朋友，但眼見你們一個一個離開澳門，
我真係好唔開心，
特別你都走了！

可能你們會覺得留係澳門好好，有家人的湯水及家中的舒服床，
但係這又如何呀，
最好的朋友及愛人都紛紛離開，
留係澳門又有什麼意義。

時間真的會改變人，
到了現在這一刻我真係好唔捨得這一班同學，
雖然大家都有一些誤會在三年中，
但係在這一刻我真係好想哭出來，
我就係一個十分感情用事的人，
開心時會大叫、傷心時會唔采你、感動時會哭的人。
我們這一班真係好有心去成為未來的社工，
希望將來會在同行中看到大家，
最重要不要捱殘呀，辛苦還辛苦，社工真係一份勞心又勞力的職業。

如果沒有心去做社工，
我真的建議你們快些轉行。

好期望明天的散水ｐａｒｔｙ！
還有好多謝老師們的教導，在這三年真的從你們身上學到很多東西。
無論在學術及人生上都增進不少。