原來我好耐冇寫 o野啦!
小藍:“新聞台發毛(霉)嚕 . ”“哇! D草生得真係旺盛 o者 .”
睇來我有排煩(小藍有排挖苦我) .

改 o左新聞台 o既名稱 , 加 o左小管家小藍 o既名 , 佢係我 o既死黨兼老友 ^﹏^

最近呢兩個月 , 彰化家族 o果邊好多 o野煩 , 大佬心力憔悴 , 要顧彰化家族 , 要顧香港公司 , 要顧某人 o既心情與無理取鬧 .

彰化家族 o果邊我 o地幫唔到乜 , 香港公司我 o地已經盡力 , 但係好多 o野都需大佬親自處理 , 畢竟係新公司 , 又係 o岩 o岩上軌道 .
而有 D 人唔幫大佬就算啦 , 仲要成日鬧大佬 , 諗起都火滾 , 將自己搞到神憎鬼厭 .

今日晏晝大佬終於疲勞過度暈抵 o左 , 我 o地唔敢講俾媽咪知 .
而與我 o地合作 o既最大公司 o既董事 J 先生 , 知道消息後 , 直衝入病房睇大佬 . 就睇佢撞開門 o既力道 , 已經知佢好緊張(佢好愛大佬 , 就係佢俾 “24個比利” o既書大佬睇 ) .
J 先生成個人都慌晒 , 忍住淚捉住大佬 o既手 , 又吩咐手足搵佢 o既私人醫生來睇大佬 . 冇人勸得住 J 先生 .

大佬醒返 , 精神好 D 就出院 , 大佬驚媽咪擔心點都唔肯住院 .

醫生話 , 大佬精神壓力太大 , 兼疲勞過度 , 所以病情有變化 .
唉! 點會唔精神壓力大呀 , 要顧家族 , 要顧公司 , 還要時刻俾人鬧 . 真係唔明 , 都唔係細佬啦 , 成日吵乜 , 冇 o野揾 o野來吵 、無理取鬧, 硬係要令人認為大佬辜負佢 , 認真令人討厭!
大佬就係心軟 , 放唔抵 , 真係唔明大佬為 乜仲要睬佢 ?

好唔開心 , 寫唔落去了 .