係2005年2月10日 , 我因 黑俠 而有了自己真正 o既父母 和 兄弟姊妹 . 二十七年 o既孤兒仔 o既生活 , 冇人能夠體會到過中 o既辛酸 . 二十七歲 , 上天賜俾我無限 o既福氣 , 唔單只有 大佬(阿哥) , 仲有屬於自己 o既父母和兄弟姊妹 .
依家我係家中最細 , 母親最 o錫就係我 . 平時總會噓寒問暖 , 天氣轉變 , 母親總會打電話到公司 , 關心的問候 . 以前無人關心 o既我 , 依家係母親牽腸掛肚 o既心中寶 .
2005年5月8日 , 係我第一次過母親節 , 心情好興奮 , 一朝早五點零鐘就醒 o左 . 準備母親節 o既美食俾母親和家人食 . 由於自己心情實在太興奮和緊張 , 於是叫醒 o左大佬陪我 , 有大佬係身邊 , 我個心定好多 .

母親節食品 , 由於媽咪唔鍾意食蛋糕 , 我煮 o左 :

泰式香草炒飯
糖醋黃花魚(媽咪最鍾意食 o既)
香蘇雞亦(靄雯最鍾意食 o既 .“靄雯”係大佬 o既 亁女兒)
茄汁大蝦(靄雯最鍾意食 o既)
薑葱蟹(爹 o地最鍾意食 o既)
鮮魷炒西芹
蒸三色蛋(大佬最鍾意食 o既)
檸汁豬柳(大大佬和大大嫂最鍾意食 o既)
雪耳+粟米+胡蘿蔔+西施骨=湯

九樣飯菜 , 代表長長久久 . 廣東人係過年過節 o既時候 , 都會煮九樣飯菜 , 來表示好意頭“長長久久”.
雖然煮呢 D o野大佬完全幫不到手 , 但係有大佬係身邊我做起 o野來都定好多 , 開心好多 .