←圖片係 我好朋友 影帝 養 o既 狗仔 .

琴日我好開心好開心 , 因為我又多o左個好朋友 .
之前我認識o左 大佬 o既好朋友 bob , 琴晚又認識o左 大佬 另外一個好朋友 影帝 .
呢兩個人好o錫我 . 影帝 識用廣東話同我傾計 , 我真係好開心 . 影帝 仲話，大佬 蝦我 , 佢就打鑊佢(哈哈 , 好好笑 , 影帝 講o野好好笑) . 仲有 , 我睇到 影帝 好嚴肅咁同大佬講 , 唔準大佬傷害我 . 我見大佬好似有 D 驚佢 , 感覺 影帝 可以剋到大佬 .

琴晚 影帝 仲應承做我o既靠山添 , 仲好支持我愛大佬 . 我最開心睇到 影帝講 :“你先係大佬唯一 o既人”哈哈 , 我好開心 . 影帝 仲叫我無好俾其他人影響我o既心情 , 做好我自己 . 雖然我琴晚至認識 影帝 , 但係傾得好投契 , 感覺佢好o錫我 , 我覺得好開心 .

不過琴晚自己有 D 俾 bob 嚇到 , 佢好鍾意話“打爆佢”, 琴晚仲話要我學《無間道》,“攞菸灰缸打爆佢o既頭”. 哇! 真係俾 bob 嚇死 . 不過 bob 好o錫我 , 琴晚問我鍾意乜公仔 , 佢送俾我 , 仲會送小文具俾我添 (我好鍾意收集小文具) . 不過大佬話我無禮貌 , 要人送o野俾我 . 我都無話要 bob 送俾我 , 係 bob 話我好可愛 , 要補送我生日禮物俾我 .

我今日一早話俾大佬知 : “你無蝦我啊 , 如果無係我離家出走 , 去揾 影帝 同 bob . 影帝 會打鑊你 , bob 會罵死你 ,哼 ! ”大佬 聽完眼都大埋 , 呆o左好耐 , 然後先至大笑出來 . 睇得出 大佬 係發自內心好幸福咁笑 , 大佬摸住我o既頭話 : “好開心 , 你能夠同 影帝 成為好朋友 . ”我見到 大佬 咁開心 , 我就覺得好幸福 .

寫於 : 2005年04月05日 pm 21:00