其實我想話你知 .. 你最大既問題出現左係邊 .. 你點去同人地相處 .. 你已經係出現左１個問題係度喇 .. 呢樣野我發現左真係好耐 ..但係我１直放係心度 .. 無講到出黎 .. 其實我覺得佢地講既任何１句野，你都唔需要太過在乎囉 .. 你岩岩自己都識得講 .. 你話【有時講句野 .. 你既出發點可能係講笑 .. 但能方可能係認真】 .. 你試下再諗深１層 .. 相反 .. 如果果個係你，你又會點呢？人地可能同你講笑 .. 但點知你當認真既 .. 咁你地咪會誤會左對方囉？同埋，做人最緊要既係心胸唔好窄 .. 唔好因為憑人地所講既１句說話 .. 而認定對方係好人定一係衰人 .. 無人係完美架 .. 聖人都會有錯 .. 你話如果佢真係當你係朋友，佢就唔會講ｄ咁既說話你聽 .. 呢句野有岩有唔岩 .. 如果你成日都用呢句野黎衡量每１個人係唔係當你係朋友既話 .. 咁你１定唔會有真既知己 .. 我唔知我應該點講你先至會明 .. 點去同人相處其實真係好重要 .. 好似琴日咁 .. 我承認佢黑面係佢唔岩在先 .. 但係你又有無諗過 .. 點解佢剩係對住你黑 .. 而對我就無任何野牙？係因為你心胸唔夠闊 .. 只要人地講句野 .. 你就會黑起塊面 .. 即刻句句頂到人地行哂 .. 咁你叫人地點敢同你講野姐？我唔係話我幫住佢地 .. 而係係我個人立場認為 .. 換轉你係我 .. 我諗你日日都黑起塊面都似牙 .. 呢ｄ我受唔小啦講真 .. 我好唔鍾意你成日都話【咁即係你覺得我錯啦？咁即係我既問題？即係佢地岩哂既？我就無啦啦黑起塊面既！】我覺得無話邊個錯，邊個岩 .. 問題係只要你學識點去原諒人 .. 你就會慢慢咁發現 .. 原來個結果可能比當初會唔同 .. 你可能會心諗：點解１定要我去原諒佢牙？有陣時，做人大方ｄ .. 最緊要唔好怕蝕底 .. 能夠原諒１個人 .. 唔係人人都做得到架 .. 人地點係人地既事 .. 唔好成日死記住人地曾經講衰過自己ｄ咩 .. 聽過下咪算囉 .. 如果唔係 .. 個人係唔會有進步 .. 有好多野 .. 你可能會聽唔入耳 .. 但係我點都要講你知 .. 因為我知道如果你再係咁落去既話 .. 你而家可能會覺得無乜野 .. 但到你大個左 .. 你唔會覺得開心快樂架 .. 每個人都需要朋友 .. 有ｄ野我唔知點同你講 .. 總言之１句 .. 我係唔會害你 .. 唔會想睇住你衰 .. 我上面所寫既野 .. 你認為岩既你可以放係心 .. 唔岩聽既你可以睇完忘記去 .. 當我無講過 ..