十月三十一日

本來好高興o既一個節日,女巫節
依舊地推晒所有野,或者真係無緣啦
今年,姐送左兩個女巫節禮物
我自己買左一個兩隻手都攬唔晒o既大大大南瓜
哈 ~~ ^O^

一朝早幾經辛苦先起倒身,魔鬼,周公o既誘惑
好在有天使媽,天使姊撐住...
訓得三粒鐘咋...
無計,爭公司鐘要返去OT
晨早流流星期日,要OT !!! >.<
好在,意外地無乜野做
食下早餐,揭下雜誌上陣網就三粒鐘,走人
無老細返工o既星期日實在太free

放工去西環,睇姊新居
自己裝修,自己買傢俬,自己o既一間屋,感覺真好 ^^
去西環前行左陣荃灣,要幫姐睇野
點知一個赤貧o既我,見倒我最心愛o既牌子特價 >.<
買左個想買好耐o既袋,呀~~~~~ 無錢
我話過我要乖乖,今個月唔請假兼唔買前兩日雜誌睇中果隻錶 !!!

哈哈~~
去到西環,原來姐住o係低B街上面果條街,第二街
西環真係乜街都有,連低B街都有 XDDDDD
樓下有好多泰國同印尼食物舖
七號差館上面,高街下面,仲要有個好恐怖o既天井>.<
驚死嚇我唔倒咁 !!!
不過,樓下有間同我志同道合o既舖頭
我一望倒間外國式閃燈南瓜鬼屋就入左迷
實在太太太太靚,一定o係外國買o既,好鐘意,好鐘意 ><
間野仲貼左張我至愛o既小S poster
有Taste !!! 搵日去識下佢先 ^^

結果,我係一D貢獻都無,只係覇左姐張床黎訓教
太眼訓ma...


今晚姐返黎訓,
終於搬好屋,睇黎以後都會好少返黎訓lu,
不過近排同姐真係好開心,好窩心,
今晚,好認真咁傾左D野,好煩好亂唔想諗,
我只想再對屋企人好D,再拎更加多錢返黎,
點先可以搵倒多D錢,其實我人工已算OK,
成日都諗,為左屋企人同朋友開心,
自己辛苦D又有乜所謂,我真係真心咁諗...
但點解其他人唔會咁諗..點解有D人又會咁對我,
我知屋企對我好好..
我好幸運地有一個好好o既媽咪,
放心,我一向好顧家


另外,仲有D野又嬲又唔開心又無奈
不過唔講lu...


不過今晚都有開心野,
一個明年底o既計劃,真係好開心好期待,
但心入面好驚只係比人敷衍,一向好驚只係自己一廂情願

唔知哥哥係咪真係錫我....