九月十六日

是日返夜
琴晚同姊去完街,返到屋企唔夠半粒鐘,一點就訓左
皆日pchome晚晚reserve down,習慣性地今日寫返琴日o既野
由於近排經常性地太早訓,好多時都比預定時間早起,順手寫返篇日記
今日,依舊早起寫日記

第一件事,當然係照鏡
一照鏡,有D唔妥,做乜D皮膚又黃又暗
天生麗質永無黑眼圈眼袋o既我 ( Touch Wood !! )
雖談不上有黑眼圈,但左眼眼底竟然有片暗黑,
嘩~~ 史無前例,史上最嚴重o既終於發生 !!!
咁都唔止,撘地鐵返工,照鏡.........
我發面..竟然出現甩皮o既徵兆.. !!!!
有無搞錯 !!! 絕對無理由!!!無可能 !!!
明明我哩期日日都低能咁早就訓,最少訓八粒鐘
仲要踩正"十至凌晨兩點"哩段時間,你話有乜可能皮膚會差
係呀,第一日早訓果日咪好多,勁滑,之後...咪咁囉...
終於發現,應該係心情差,情緒影響"害"爾蒙,同新陳代謝減慢
唉....Ｄ壞情緒真係累人累物,影響甚大,點補都補唔返...
女人,大概廿五歲開始,皮膚就會開始衰老,我仲有四年
突然間發覺,真係要錫身Ｄ,所以我哩日記係一路敷住mask一路寫o既
自己唔錫自己,仲有邊個會錫自己喎..
何況靜學姐講過,"女仔日日都要打扮得靚靚,
因為你唔會知道自己幾時先遇倒自己o既白馬王子架嘛" ^^

女人真係捱一晚夜就一晚..以後都係要早Ｄ訓...
但自從我早訓以黎,我懷疑我患上渴睡症,
已經每日最少訓訓八粒鐘架啦,好似琴日咁,一路同姐出街一路放蚊,過份
琴日訓左十一粒鐘,今日返工又悠悠閒咁,
竟然放工眼訓到癲,頭又勁暈,腳軟軟成身無晒力咁,勁辛苦
幾乎連行都行唔倒,返到觀塘就咁撘的士..好誇張...
返到屋企乜都唔想理就想訓...
難道生理時鐘未適應 ? 其實係可能作病.....
不過比我發現倒樣野,原來我食粥係會腳軟架
唔係因為無野到肚,但算我唔食野或者淨係飲野都會無事,
但食粥就會腳軟...唔知點解...好怪...但已經唔係第一次...

雖然今日身體唔好,皮膚又差,但有樣野好得架
哈哈~~ 就係琴日洗左我 50 mins 兼 40 皮o既頭髮喇

雖然老土地,夠訓同用好o既護膚品係會令皮膚好
但要皮膚好,最重要都係要心情好
就係咁,有Ｄ野要分享下...