九月十五日

今日係第一日坐監,我無野好講
多謝各可愛同事o既安慰,不論真心假意,一律照單全收
皆因近期缺乏各方面o既愛,有D幫補下總係好事
多得我細個又生性黏人,心靈脆弱o既我總會被大家睇住
哩間公事,最好o既就係同事,seem a big big warm family ^3^
皆因無利害關係,好事好事

中午正當我訴苦之制,接倒姊o既報喜來電
睇住開心到癲左,唔知自己做緊乜o既佢
連我都被感動起上黎 ^^
今晚就等我地搵各式各樣o既藉口慶祝一番啦~ !!!
慶祝失戀;慶祝有錢;慶祝搵倒補習;慶祝壞電腦;慶祝黑仔黑到癲
此刻只想享受一番,再諗,或有沖喜之效 ?

放工,打算出CWB前去salon洗個頭,
皆因本人對洗頭哩家野係非常咁執著,費事影響心情
嗯.......你知嘛.......
非常趕時間o既我
洗頭連吹頭,足足用左 50 mins !!!! 50 mins !!!!!
我真係想叫佢借個盆我自己洗算數
佢老闆~~ !!

玄學角度,五行中,天生"金"係會克住我
天生我太多"金",多到唔可以再有"金"
男人係"金",哩世,男人都會克住我
九月,係"金"月,而我確實由八月三十一號開始黑仔
咁邪 ? 真係好邪,我黑仔到大家得啖笑
點會可以黑到咁.....
是夜,買鞋買貴左一個double價錢
朋友來電,告之一個不能接受o既消息
我真係唔知自己專登返夜為乜
哈...姊話,只能怪我黑仔...話過埋中秋我就會無事...
任何走投無路o既人,只得相信命相

一路行,我一路放蚊
點解琴晚十一點訓,前晚十點訓都可以累成咁
姊見我黑到咁,話請我食糖水
奈何個胃好頂好痛,食唔倒
果然,返到屋企嘔到死咁滯
唉...我確係唔多錫身

講埋,可能睇得吸血殭屍多
突然好想睇千機變,睇下Edison哩隻咁靚咁風度偏偏o既吸血殭屍
點生活o係咁浪漫同古典味重o既古堡入面同點去偷血包
哈哈,正!!!!