四月二十五日 星期一

　　呢幾日我都係到諗隻死人頭有無去揾工呢?我今日上網睇到我多工請大學生，行行都請人我都唔明佢點解會無工見？？我都唔理佢見唔見得成，但係連見都無得見就好似奇怪少少，我唔係大學生都可以見到新工呀！

　　番大陸時候我同金比傾過，佢都話唔知大眼仔諗咩，又係好似係到懶懶行，又等到七月先呀，又等到七月？上一次又話等到派bonus 就走…等下又半年等下又半年，到頭來真係會等到咩?比你等到又點呀！

　　不過大眼仔就唔洗我理佢，因為金比會對付佢呀！但係隻死駱駝就真係比佢激到我火都呢埋　（火－火）　佢條pk居然同我講佢呢一排都無咩點揾工，我問佢咩事唔揾，佢話無咩工好揾，都無工合佢心水???唔係呀馬?呢一排都好多工呀，唔係份份都唔適合…..

　　下……我覺得好奇怪呀!所以我就問佢你點揾工。佢……佢…..居然同我講佢只係睇Recruit 同招職.....重要係星期二先有得派...我頂你...你真係離晒大譜呀！政府都識得買下廣告叫人上網去揾工啦，你重係睇報紙揾工，你有工見先奇呀！Recruit 同招職通常都遲過上網出的。

　　最後佢緊係比我罵到死呀！罵交．．．唔可以叫罵交，只係有人比人罵到死！