四月二十四日 星期日 晴

　　上到大陸夜晚一定去按摩呀!但係我一行成八個人，緊係唔可以同一間房！所以我地要分開房呀，我地就同銘銘一間，金比同基基一間。我地成班女仔去沖涼就傾計又焗，攪成半個鐘先出呢，等到佢地班男仔都變晒做化石。

　　今次去按摩真係唔係好得呀！因為整到我個賤頭好鬼痛，但係佢就話我係勞損所以會好痛，痛完就會好呀。！下….係唔係呀！唔好老吹呀！唉….又係呀係公司成日對住個電腦打字，唔勞損就奇啦！但係可唔可以真係細力少少呀！我怕我斷晒手都好唔到呀！不過好在佢按摩我個背脊時都好舒服，舒服到我都瞓到留晒口水……

　　星期日唔洗番工大家都係按摩院瞓到十點幾，之後先去食午餐。哈哈！最後諗呢諗去我地都係去飲茶….我地一班人都唔會係香港飲茶反而去大陸飲？因為佢地實在太大食呀！由其係大眼輝呀！佢一個人食量頂得住我地三個女仔呀！所以係香港食會食到大家破產呀！

　　食完午餐，我地去Shopping呀！我地去百佳shopping，下．．．去到大陸去百佳買香港貨？係大陸買香港貨平好多呀！所有大家都買呀，平得最多係滅蚊用品，係香港都買成四五十蚊，係呢到買都係二十幾呀！不過我屋企都唔用滅蚊用品，所以我都無買，我只係買零食呀，果凍，餅乾，我地就找到我香無得買迷你樽香口膠。

　　但係今次去大陸玩最大收穫就係去搭地鐵，因為之前上網睇到留言話地鐵好多扒手，所以都唔係太敢搭呀！但係又好似無我想像中可怕，同無留言所講的人多。但係好驚訝係大陸地鐵真係好先進，好似香港西鐵Feel加機鐵，好新好亮呀！真係今人好驚訝呀！