四月二十二日 星期五 晴

　　哈哈！我都話如果你係人才唔怕無好工做呀！哈哈！係真呀！因為呢一句話呢可以係我身上就知啦！我無做上一份地獄工，都無出正式去揾工就比上一份工個同事叫番去做呀！人工重加好多呀！重要係番五日工，又無皇管，所以都無出去揾另外一份工呀！

　　我就係呢一到做下做下都做成個月呀！今日我等媽媽一齊食飯時，有人打比我，我因為聽唔到所以飛去留言，原來係我個地獄公司個老細打比我，下？？？佢無啦啦打比我做咩呀？

　　我都好奇怪佢會有咩事打比我呢？唔通我之前做錯咩佢打番比我去打鬧我……唔係呀馬……不過聽佢個留言又唔多似呀！但係當我打番佢時就無人聽，我問同事又唔知係咩事，所以我都係飯完先再打呀！

　　當我打比佢時先知，佢地請活動導師，即係我一路都想做個位！佢問我會唔會考慮番呢做呀！哈哈！我好咩！之前我叫你幫我轉過去請呢個位時，你之之唔唔，好啦等我走人時又叫我番去做，好難呀！係你到做太辛苦呀！又要輪休，雖然係多少少人工，但係唔係太值得為呢少少錢去做到死下死下呀！

　　但係我都好開心呀！老細親自打比我叫我番去做呀！真係有少少受寵若驚，因為佢無須要打比我叫我番去，佢係睇得出我同認為我係人才先叫我呀！所以我都好開心呀！