今日早上落超级无敌大嘅雨吖,係大到我唔想翻学/!!!早唔落迟唔偏偏我哋就快翻学嘅时候就落到cats and dogs.
偏偏我就唔知发咩神经,唔着自己嘅鞋,着咗”白饭鱼”,因为已经落咗差唔多两个星期嘅雨,而我对鞋都冇湿,于是乎我就打算挑战极限,不过我最后都失败咗....搞到我成朝好唔舒服,好想由四楼跳落去....下次唔敢啦...冇下次
今日,我细佬超白痴,因为佢行楼梯翻屋K,冇坐lift,真係白痴,不过最重要唔係咧点,係咩咧/?就係佢足足行咗20层楼先翻到,佢唔攰噶/?佩服...其实我都曾经有諗过行上去,不过又惊楼梯嗰度有人打劫,算.....
今日係”鸭子”生日,生日快乐.....
点解我连续三晚都有喺度写嘢咧.../?因为..因为...就快到高考假喇,搞到我唔多想温书,就咁简单,次次都係咁噶///不过高考假以后我会好少上噶喇,因为我努力吖嘛...////可能会一星期一次,可能一个月一次...然后渐渐淡忘...最后就陈封喺度...因为上网始终係我嘅伤心之地,係我失恋嘅地方...(开玩笑.开玩笑^_^)冇恋又点失/?不过我之前真係諗过以后都唔上.....
哎,有个坏消息,由于高考假放七日,由星期六开始,即係下星期日要翻学,咁我嘅”电车男”就冇得睇喇/!!!因为妈妈实唔俾我睇啦.....所以我好憎放长假就係因为咁...高一嗰阵试过冇得睇”钢之炼金属师”,哎......
GOOD NIGHT