今日中心有個Day Camp，地點係元朗大棠呀！不過今次我唔洗去呀！係阿May同埋阿Paul去呀！我都係帶返自己個門球班呀！不過因為好多人去左Day Camp所以得返三個人打，計埋我４個，我地４個人計分啦！玩得好開心，因為可以大家討論戰術呀！
打完波返中心，下午就同會員唱歌啦！我都有唱返兩首呀！跟住４點３左右，班Day Camp既人返中心，話個Camp悶到PK呀！好彩我冇去，同埋ｄ職員態度好差！我地打算投訴呀！Book左佢個Camp又唔俾足服務，完全係唔得呀！
放左工，Kandy話開會，不過整埋健康檢查個地方先開，都成６點半了！開到成８點呀！真係慘呀！
夜晚我同Sylvia去左食“大腳板”呀！佢因為食左野，所以得我食，我今晚食左個鐵板餐呀！都幾飽呢！聽日就放假了！可以休息下了！！