由昨晚開始，我就唔知自己做乜，反正做乜都無法專心，只懂等待基仔ge拉闊．

今次係基仔第一次拉闊，其實阿萍都係第一次睇音樂會．

今日真係好開心好開心好開心，聽返基仔演譯好多新歌舊歌（雖然舊歌對我黎講並唔覺得舊，因為我幾乎日日都聽），有興奮位有感動位，基仔今日ge狀態真係好好，真係完全去到盡晒~~基仔，good show~~

好開心，到最後我地幾個基迷都全部有飛可以一齊去睇基仔今次呢個show，雖然大家分開晒黎坐，但係完場後可以一齊傾返分享返個show，然後一齊去停車場出口等基仔架車出黎，真係好開心．

在停車場出口等左基仔一陣，佢架保姆車出黎，見到基仔講緊電話，佢笑得好燦爛好開心呀，見到基仔咁開心我又更加開心啦～～我地同佢揮手say goodbye後就返歸喇～

基仔，你記得好好休息一下啦～

基仔要嗚謝，我都要呀～～

首先要多謝我偶像基仔，唔經唔覺原來已經鍾意左你差唔多九年啦，你的歌陪住我渡過左好多日子．再講一次，你今日係個台上，證明俾我地睇，我地對你ge支持係完全值得的！

我又要再多謝多一次送張飛俾我ge財哥，如果唔係你，今晚我就唔會睇到基仔咁精彩ge演出，有一個永世難忘ge回憶，多謝！

再要多謝婷,vivi,易拎，因為基仔，認識左你地三個咁好ge朋友，我真係覺得好開心，一齊分享基仔ge一切，一齊出function，一齊大嗌基仔ge感覺，真係好正～仲有就係我唔多識路就係靠你地咋～～只有係你地面前，我可以唔洗壓制對基仔ge情感和愛意，我先敢毫無保留地發癲架咋～～係你地令支持基仔的路上更加精彩～多謝！